 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
کرکٹ: ورلڈ کپ فائنل کہاں ہوگا؟ | ||||||||||||||||||||||||||||||||||||||||
برصغیر میں 2011ء میں ہونے والے کرکٹ ورلڈ کپ کا فائنل کہاں ہوگا ؟ اس بارے میں ابہام پایا جاتا ہے۔ بھارتی کرکٹ بورڈ یہ دعویٰ کرتا رہا ہے کہ فائنل کی میزبانی بھارت کرے گا لیکن پاکستان کرکٹ بورڈ کا کہنا ہے کہ ابھی کچھ طے نہیں ہوا ہے۔ آئی سی سی نے اس سال اپریل میں ایشیا کے چار ممالک کو ورلڈ کپ 2011 کی میزبانی دی تھی جس کے بعد بھارتی کرکٹ بورڈ کی طرف سے یہ بات سامنے آئی تھی کہ فائنل بھارت کرائے گا۔ اس کے علاوہ بائیس گروپ میچز بھی بھارت میں ہونگے جب کہ پاکستان سولہ میچز کی میزبانی کرے گا جس میں ایک سیمی فائنل شامل ہے۔ سری لنکا کو سیمی فائنل سمیت نو میچز دیے گئے تھے جبکہ بنگلہ دیش کو افتتاحی تقریب کے علاوہ چھ میچز ملے تھے۔ پاکستان کرکٹ بورڈ کے چئرمین ڈاکٹر نسیم اشرف کا کہنا ہے کہ ورلڈ کپ کے شیڈول کو حتمی شکل دینا ابھی باقی ہے۔ انہوں نے کہا کہ گیارہ دسمبر کو دہلی میں ورلڈ کپ کے میزبان چاروں ممالک کے کرکٹ بورڈ کے سربراہوں کا اجلاس ہوگا جس میں باضابطہ طور پر ورلڈ کپ شیڈول کو حتمی شکل دی جائے گی۔ جب بی بی سی نے اس بارے میں پاکستان کرکٹ بورڈ کے سابق چئرمین شہریارخان سے رابطہ قائم کیا تو انہوں نے کہا کہ ورلڈ کپ شیڈول کو باضابطہ شکل نہیں دی گئی ہے لیکن فائنل کے بھارت میں منعقد ہونے کے بارے میں غیررسمی طور پر اتفاق ہواتھا۔ 1987میں پاکستان اور بھارت میں منعقدہ ورلڈ کپ کا فائنل کولکتہ میں کھیلا گیا تھا جبکہ 1996 ورلڈ کپ فائنل کی میزبانی لاہور نے کی تھی۔ |  اسی بارے میں  کرکٹ ورلڈ کپ کا فائنل دلّی میں 18 July, 2006 | کھیل بلائنڈ کرکٹ ورلڈ کپ پاکستان میں29 June, 2006 | کھیل کرکٹ ورلڈ کپ: فائنل پاکستان میں08 March, 2006 | کھیل پاکستانی ٹیم دست بردار | کھیل کرکٹ ورلڈ کپ کا خاتمہ؟ | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
