فلنٹاف کے لیئے بحیثیت کپتان یہ ایک مشکل میچ ثابت ہو رہا ہے

تفصیلی سکور کارڈ کے لیئے کلک کریں

انگلینڈ کو میچ جیتنے کے لیئے دوسری اننگز میں اپنا ریکارڈ بہتر کرنا ہوگا۔ اس سے پہلے انگلینڈ کا ٹیسٹ میچ جیتنے کے لیئے دوسری اننگز میں دو سو چوراسی رن کا ریکارڈ ہے جو اس نے دو سال قبل ناٹنگھم میں نیوزی لینڈ کے خلاف بنایا تھا۔

تیسرے دن کے کھیل کا پہلا حصہ سری لنکا کے بلے بازوں کے نام رہا اور انگلش بالر صرف ایک وکٹ حاصل کر سکے۔ سری لنکا کی جانب سے کمارا سنگاکارا نے عمدہ بیٹنگ کا مظاہرہ کرتے ہوئے نصف سنچری سکور کی ہے۔ اس وقت کپوگیدرا پچاس اور چمندا واس چوبیس رن پر کھیل رہے ہیں۔

انگلینڈ کی طرف سے مونٹی پنیسر سب سے نمایاں بالر رہے جنہوں نے تین کھلاڑی آؤٹ کیئے۔

یاد رہے کہ دوسرے دن کے اختتام پر سری لنکا کی ٹیم کو دوسری اننگز میں انگلینڈ پر سینتالیس رن کی برتری حاصل ہو گئی تھی اور اس کی نو وکٹیں باقی تھیں۔ میچ کی پہلی اننگز میں سری لنکا نے 231 جبکہ انگلینڈ نے 229 رن بنائے تھے۔

انگلینڈ کی ٹیم: مارکس ٹریسکوتھک، اینڈریو سٹراس، الیسٹر کک، کیون پیٹرسن، پال کولنگووڈ، اینڈریو فلنٹاف، گیرئنٹ جونز، لیئم پلنکٹ، میتھیو ہوگارڈ، جان لوئیس اور مونٹی پنیسر

سری لنکا کی ٹیم: سنتھ جے سوریا، تھارنگا، وینڈارٹ، کمارا سنگاکارا، مہیلگ جیا وردھنے، تلکارتنے دلشان، کاپوگدیرا، ایم مہروف،چمندا واس، ملنگا اور مرلی دھرن۔