لارا اپنے آبائی شہرمیں آخری میچ میں شائقین کو اچھی کارکردگی نہ دکھا سکے

لارا کا اپنے آبائی شہر ٹرنیڈیڈ میں یہ آخری میچ تھا۔ اس برتری سے ویسٹ انڈیز کو سیریز میں چار ایک سے جیت حاصل ہو گئی ہے جوٹیم کے لیئے ورلڈ کپ سے پہلے ایک حوصلہ افزا قدم ہے۔ یاد رہے کے ورلڈ کپ شروع ہونے میں صرف بارہ ماہ باقی ہیں۔

برائن لارا نے میچ کے اختتام پر کہا کہ ’مجھے پورا یقین ہے کے یہاں پر یہ میرا آخری ایک روزہ عالمی میچ تھا۔ میں ٹرنیڈیڈ، ٹوباگو، اور کیرئبین کے لوگوں کا شکریہ ادا کرنا چاہتا ہوں‘۔

سیریز کے بارے میں لارا نے کہا یہ ساری ٹیم کی مشترکہ کوششوں کا نتیجہ ہے اور ہر کھلاڑی نے اپنی ذمہ داری خوب نبھائی‘۔ ذہنی طور پر ہمارا کھیل بہتر ہو چکا ہے‘۔

ویسٹ انڈیز کا آغاز کچھ اچھا نہ تھا جب سیونرائن چیڑگون انڈیا کے تیز بالر اجیت اگرکر کی پہلی گیند پر آؤٹ ہوگئے۔ مگر گائل کے مخصوص انداز کے دس چوکوں اور سراوان کی اچھی کارکردگی نے ٹیم کو اچھا اسکور دیا۔ سراوان نے 97 گیندوں میں صرف ایک باؤنڈری لگائی اور سریناتھ کی گیند پر آؤٹ ہوئے۔

شائقین کا ہجوم لارا کی خاص کارکردگی کا منتظر تھا مگر انہوں نے چھتیس کے سکور میں صرف ایک چھکا مارا اور اگرکر کی تھرو پر کیپر مہیندر دہونی کے ہاتھوں رن آؤٹ ہوگئے۔

لارا نے انڈیا کو اس وقت حیرت میں ڈال دیا جب انہوں نےمیچ کے شروع میں نئی گیند سے ہائنڈز سے بال کروائی۔ لارا کی یہ حکمتِ عملی کامیاب رہی جب رابن اتھاپا بغیر کوئی رنز بنائے کیپر کے ہاتھوں کیچ آؤٹ ہوئے۔

ہائنڈز نے انڈیا کے خطرناک کھلاڑی دھونی کو بھی گیند کرائی اور انہیں جو 14 کے اسکور پر آؤٹ کر دیا۔

ڈراوڈ نے میچ کے بعد کہا کہ ’ویسٹ انڈیز نے سیریز کے شروع میں ہی اچھا کھیل کھیلا اور وہ اپنی کارکردگی بہتر کرتے رہے۔ یقیناً یہ یہاں کے مقامی حالات کے عادی ہیں اور اس سے انہوں نے فائدہ اٹھایا‘۔ ’یہ ھمارے لیئے بہت مشکل سیریز رہی‘۔