لکشمن پہلے ٹیسٹ میں پہلی گیند پر آؤٹ ہو گئے تھے

ان دونوں بلے بازوں کو ٹیم میں یوراج سنگھ اور ایک مزید بالر کے لیے جگہ بنانے کے لیے شامل نہیں کیا گیا۔ یوراج سنگھ نے پاکستان کے خلاف سیریز میں شاندار کارکردگی کا مظاہرہ کیا تھا اور کراچی کے آخری ایک روزہ میچ میں انہیں چوٹ لگ گئی تھی۔

لکشمن انگلینڈ کے خلاف پہلے ایک روزہ میچ میں کوئی رن بنائے بغیر پہلی گیند پر آؤٹ ہو گئے تھے جبکہ محمد کیف نے اکانوے رن بنائے تھے۔

انڈین نے بارہ کھلاڑیوں کے ناموں کا اعلان کر دیا ہے لیکن آر پی سنگھ اور پیوش چوالہ میں سے کس ایک کو حتمی ٹیم میں شامل کیا جائے گا۔

تیز بالر مناف پٹیل کا ٹیم میں شامل ہونا یقینی ہے کیونکہ شری سری سانتھ شدید نزلے میں مبتلا ہیں۔

سنگھ اور چاولہ کا ٹیم میں شامل ہونا اس بات پر منحصر ہے کہ کس پچ پر میچ کھلایا جائے گا۔

موہالی میں گراونڈ مینز یا پچ تیار کرنے والوں نے دو قسم کی پچیں تیار کی ہیں۔ ایک پر گھاس ہے جو متوقع طور پر تیز بالروں کے لیے مدد گار ثابت ہو گی اور دوسری خشک ہے اور اس پر کوئی گھاس نہیں ہے جو کہ سپن بالروں کے لیے سود مند ثابت ہو سکتی ہے۔