میچ میں تلکارتنے دلشان نے زبردست فیلڈنگ کا مظاہرہ کیا

ایڈلیڈ میں ہونے والے میچ میں آسٹریلیا کو سری لنکا کی ٹیم نے پہلے بیٹنگ کرتے ہوئے دو سو پچھتہر رنز کا ہدف دیا۔

آسٹریلوی بیٹسمین میں سے صرف مائکل کلارک بڑا سکور بنا سکے اور انہوں نے 80 رنز بنائے۔

سری لنکا کے دلشان تلکارتنے نے میچ میں زبر دست فیلڈنگ کی، انہوں نے ایک کیچ لیا اور تین بیسٹمینوں کو رن آوٹ کیا۔ ان کے ہاتھوں رن آوٹ ہونے والے کھلاڑیوں میں رِکی پونٹنگ، ڈیمین مارٹن اور سائمن کیٹِچ شامل تھے۔

کیٹچ نے چھپن رنز بنائے اور پونٹنگ صفر کے سکور پر رن آوٹ ہوئے جبکہ گِلکرسٹ کو 26 کے سکور پر کلاسیکارا نے آوٹ کیا۔ اینڈریو سِمنڈز کو سولہ رنز کے سکور پر سنگاکارا نے سٹمپ کردیا۔ کیٹچ پچپن رنز بنا کر رن آؤٹ ہو گئے۔

تازہ ترین سکور اور تفصیلی سکور کارڈ

آسٹریلیا کے شہر ایڈلیڈ میں کھیلے جانے والے اس میچ میں سری لنکا نے ٹاس جیت کر بیٹنگ کرنے کا فیصلہ کیا اور اپنے مقرررہ اوورز میں 8 وکٹوں کے نقصان پر 274 رنز بنائے۔

اتاپتو نے تریپن رنز بنائے جبکہ چمارا کپوگودیرا نے اپنے اڑتیس رنز میں تین چھکے مارے۔

اس تین میچ کے فائنل کا اگلا میچ اتوار کے روز سڈنی میں کھیلا جائے گا۔