جائلز نے تین کھلاڑیوں کو آؤٹ کیا

انگلینڈ کی ٹیم نے دوسری اننگز میں دو سو اسی رن بنائے اور اس کے چھ کھلاڑی آؤٹ ہوئے۔

انگلینڈ کے کھلاڑی اینڈریو سٹراس نے دوسری اننگز میں ایک سو چھ رن بنائے اور دوسری طرف ائین بیل نے پینسٹھ رن بنائے۔ سٹراس کے بعد اینڈریو فلنٹاف چار رن بنا کر آؤٹ ہو گئے۔

انگلینڈ نے کھانے کے وقفے سے کچھ دیر قبل اپنی دوسری اننگز کا آغاز کیا تھا۔ پہلی اننگز میں انگلینڈ نے چار سو چوالیس رن بنائے تھے۔

آسٹریلیا کی پہلی اننگز میں شین وارن نے شاندار بلے بازی کی اور نوے رن بنا کر آؤٹ ہوئے۔ ان کی شاندار بلے بازی کی بدولت آسٹریلیا کی ٹیم فالو آن بچانے میں کامیاب ہو گئی۔

انگلینڈ کی طرف سے ایس پی جانز نے اچھی بالنگ کا مظاہرہ کیا اور چھ کھلاڑیوں کو آؤٹ کیا۔ انہوں نے سترہ اوور میں صرف تریپن رن دیے۔ انگلینڈ کے سپن بالنگ کرنے والے ایشلے جائلز تین ووکٹ حاصل کئیں۔

تیسرے دن زیادہ تر کھیل بارش کی نذر ہو گیا لیکن شام چار بجے جب دونوں ٹیمیں میدان میں اتریں تو شین وارن نے پہلے اپنی نصف سنچری مکمل کی اور پھر زبردست شاٹ کھیلتے ہوئے سکور دو سو پینتالیس تک پہنچ دیا جب ایک بار پھر بارش کی وجہ سے کھیل روکنا پڑا۔

میچ دوبارہ شروع ہونےپر وارن نے اپنی جارحانہ بیٹنگ جاری رکھی اور دن کے اختتام پر وہ اٹھتر اور جیسن گلسپی سات رن پر کھیل رہے تھے۔

تیسرے روز وکٹ کیپر جونز نے شین وارن کو ایشلے جائلز کی گیند پر سٹمپ اور فلنٹاف کی گیند پر کیچ آؤٹ کرنے کا بھی ایک ایک موقعہ ضائع کیا۔

اس سے پہلے دوسرے دن آسٹریلیا نے کھیل ختم ہونے پر 7 وکٹ کے نقصان پر 210 رن بنائے۔

دوسرے دن کھیل کے اختتام پر شین وارن پینتالیس جبکہ جیسن گلسپی چار رن پر کھیل رہے تھے۔ اسٹریلیا کو فالو آن سے بچنے کے لیے پینتیس رن کی ضرورت تھی۔
انگلینڈ کی جانب سے ایشلے جائلز اور سائمن جونز نے تین، تین جبکہ فلنٹاف نے ایک وکٹ حاصل کی۔

آسٹریلیا کے آؤٹ ہونے والے کھلاڑیوں میں مائیکل کلارک سات رن بنا کر سائمن جونز کا شکار بنے۔ ایڈم گلکرسٹ تیس رن بنا کر سائمن جونز ہی کی گیند پر آؤٹ ہوئے۔ میتھیو ہیڈن چونتیس رن بنا کر جائلز کا دوسرا شکار بنے۔ سائمن کیٹچ سترہ رن بنا کر فلنٹوف کی گیند پر بولڈ ہوئے۔ ڈیمیئن مارٹن کو بیس رن پر جائلز نے بولڈ کیا۔ کپتان رکی پونٹنگ سات رن بنا کر سائمن جونز کی گیند پر آؤٹ ہوئے جبکہ اوپنر جسٹن لینگر ایشلے جائلز کی گیند پر این بیل کے ہاتھوں کیچ ہوئے۔ انہوں نے اکتیس رن بنائے۔

اس سے قبل انگلینڈ کی ٹیم اپنی پہلی اننگز میں چار سو چوالیس رن بنا کر آؤٹ ہو گئی۔

آسٹریلوی ٹیم: جسٹن لینگر، میتھیو ہیڈن، رکی پونٹنگ، ڈیمیئن مارٹن، مائیکل کلارک، سائمن کیٹچ، ایڈم گلکرسٹ، شین وان، بریٹ لی، جیسن گلپسی اور میگرا۔

انگلینڈ ٹیم: مارکس ٹریسکوتھک، اینڈریو سٹراس، مایئکل وان، این بیل، کیون پیٹرسن، اینڈریو فلنٹاف، گیرئنٹ جونز، ایشلے جائلز، میتھیو ہوگارڈ، سٹیو ہارمیسن، اور سائمن جونز۔