عبدالرشید شکور بی بی سی اردو ڈاٹ کام، کراچی

داؤد ابراہیم اور جاوید میانداد ایک دوسرے کے سمدھی گئے ہیں

جاوید میانداد کے بیٹے جنید میانداد اور داؤد ابراہیم کی بیٹی ماہ رخ کی شادی تیئس جولائی کو دبئی میں ہوئی تھی جس سے میڈیا کو دور رکھا گیا تھا لیکن کراچی میں ہونے والی تقریب میں جاوید میانداد اپنے صحافی دوستوں کو نہیں بھولے البتہ تصویر کشی اور منظر کشی کی اجازت نہیں تھی۔ اس بارے میں ہدایات نہ صرف زبانی طور پر دی گئی تھیں بلکہ ہوٹل کی راہ داری پر جگہ جگہ موبائل فون بند رکھنے اور فوٹوگرافی ممنوع کی ہدایات تحریری طور پر چسپاں تھیں۔

کراچی میں ہونے والی تقریب میں تصویر کشی اور منظر کشی کی اجازت نہیں تھی۔ اس بارے میں ہدایات نہ صرف زبانی طور پر دی گئی تھیں بلکہ ہوٹل کی راہ داری پر جگہ جگہ موبائل فون بند رکھنے اور فوٹوگرافی ممنوع کی ہدایات تحریری طور پر چسپاں تھیں۔

تقریب کے لیے ہوٹل کی طویل راہ داری کو غیرضروری افراد کی آمدورفت روکنے کے لیے ایک جانب سے بند کردیا گیا تھا۔ مہمانوں کی آمد سے قبل سکیورٹی سٹاف نے آلات کے ساتھ چپے چپے کی تلاشی لی۔

ہال میں بھی چند چہرے مہمانوں پر نظر رکھے ہوئے تھے۔ ہال سے متصل کمرے میں ٹی وی مانیٹر پر تقریب سکیورٹی پر مامور افراد کی نظر میں تھی۔

تقریب میں ہزار سے زائد افراد موجود تھے لیکن کوئی حکومتی اعلی شخصیت موجود نہیں تھی جیسا کہ میانداد کا کہنا ہے کہ انہوں نے صدر پرویز مشرف سمیت تمام ہی اعلی شخصیات کو دعوت نامے بھیجے تھے نہ صرف وفاقی حکومت بلکہ صوبائی حکومت کی بھی کسی شخصیت نے تقریب میں شرکت نہیں کی۔

تقریب میں ہزار سے زائد افراد موجود تھے لیکن کوئی حکومتی اعلی شخصیت موجود نہیں تھی جیسا کہ میانداد کا کہنا ہے کہ انہوں نے صدر پرویز مشرف سمیت تمام ہی اعلی شخصیات کو دعوت نامے بھیجے تھے نہ صرف وفاقی حکومت بلکہ صوبائی حکومت کی بھی کسی شخصیت نے تقریب میں شرکت نہیں کی۔

تقریب میں شرکت کرنے والوں میں ممتاز قانون داں ایس ایم ظفر، عمران خان، جنرل توقیرضیا، جہانگیرخان، اصلاح الدین، حنیف ِخان، سینیٹر انوربیگ‘ سابق ٹیسٹ کرکٹرز اعجاز بٹ‘ وسیم باری‘ اقبال قاسم‘ تسلیم عارف‘ جلال الدین‘ معین خان‘ راشد خان اورسابق فرسٹ کلاس کرکٹر عبدالرقیب قابل ذکر تھے۔

جاوید میانداد جو اس موقع پر بہت خوش اور جذباتی دکھائی دیتے تھے ہال کے باہر اپنے بھائیوں کے ساتھ مہمانوں کو خوش آمدید کہنے کےلیے موجود تھے ۔اس موقع پر ہال کے باہر والے حصے اور اندر سٹیج کو پھولوں سے سجایا گیا تھا جس پر دولہا دلہن براجمان تھے اور مہمانوں سے مبارک باد وصول کررہے تھے۔