بریٹ لی نے ایک روزہ میچوں میں دو سو وکٹیں حاصل کر لیں

انگلینڈ نے پہلے بیٹنگ کرتے ہوئے آسٹریلیا کو 229 رنز کا ہدف دیا تھا۔

آؤٹ ہونے والے واحد کھلاڑی میتھیو ہیڈن تھے جو 31 رنز بنا کر گوف کی گیند پر جونز کے ہاتھوں کیچ آؤٹ ہوئے۔

اس وقت گلکرسٹ اور پونٹنگ کھیل رہے ہیں۔

انگلینڈ کی ٹیم کے پہلے پانچ بیٹسمینوں کے جلد ہی آؤٹ ہونے کے بعد نئے قوانین کے تحت متابدل کھلاڑی کے طور پر وکرم سولنکی کو بھیجا گیا۔ سولنکی نے پیٹرسن کے ساتھ مل کر شاندار بیٹنگ کا مظاہرہ کرتے ہوئے ترپن رنز بنائے جبکہ پیٹرسن نے 74 رنز بنائے۔ وکرم سولنکی کو سائمن جونز کی جگہ لایا گیا ہے۔

اب ایک روزہ میچوں میں متبادل کھلاڑی کھیل کے ہر شعبے میں شامل ہو سکتا ہے۔

آسٹریلیا نے ٹاس جیت کر پہلے فیلڈنگ کا فیصلہ کیا۔ تین میچوں کی سیریز اس وقت ایک ایک سے برابر ہے۔

آسٹریلیا نے اننگز کے آغاز میں ہی اووپنر ٹریسکوتھک کی وکٹ حاصل کر لی۔ انہیں بریٹ لی نے آؤٹ کیا۔ اس وکٹ کے ساتھ ہی بریٹ لی نے ایک روزہ میچوں میں دو سو وکٹوں کا ہدف حاصل کر لیا۔

وان پندرہ کے سکور پر رن آؤٹ ہوگئے۔ سٹراس کا کیچ وکٹ کیپر نے لیا۔ اس سے قبل جلیسپی نے میکگرا کے اوور میں وان کا کیچ ڈراپ کیا جبکہ اگلے ہی اوور میں کاسپروویچ کی گیند پر گلکرسٹ سٹراس کا کیچ لینے میں ناکام رہے۔

یہ میچ آئی سی سی کے ایک روزہ مقابلوں کے لیے نئے قوانین کے تحت ہو رہے ہیں۔

انگلینڈ کی ٹیم
مائیکل ٹریسکوتھک، اینڈریو سٹراس، مائیکل وان، پی پیٹرسن، اینڈریو فلنٹاف، کالنگوڈ، جی جونز، ایشلی جائلز، ایس جونز، ڈیرن گف، سٹیو ہارمیسن۔ وکرم سولنکی بارھویں کھلاڑی ہیں۔

آسٹریلیا کی ٹیم
ایڈم گلکرسٹ، میتھیو ہیڈن، رکی پونٹنگ، ڈیمین مارٹن، اینڈی سمنڈز، ایم جے کلارک، ایم ہسی، بریٹ لی، جیسن جلیسپی، ایم کاسپروویچ، میکگراتھ اور ایس کیٹش بارھویں کھلاڑی ہیں۔