مناء رانا بی بی سی اردو ڈاٹ کام، لاہور

	یونس خان نے بھائی یوکرائن میں ایک حادثے میں ہلاک ہو گئے ہیں۔

یونس خان اتوار کے روز قذافی سٹیڈیم میں پریکٹس کرنے کے لیے آئے ہی تھے تو ان کے بھائی کے ایک دوست نے انہیں فون پر اطلاع دی کہ یوکرائن میں ان کے بھائی شریف خان کا ایک حادثے میں انتقال ہو گیا۔

یونس خان اسی وقت ہوٹل واپس چلے گئے جہاں سے وہ پشاور کے لیے روانہ ہو گئے۔

یونس خان جو کہ اس غم میں نڈھال تھے انہیں اس واقعے کی دیگر تفصیل کے بارے کچھ علم نہ تھا۔

یونس خان نے کہا کہ ابھی انہیں کچھ معلوم نہیں کہ حالات کیا ہوں گے فل الحال تو وہ صرف اتنا جانتے ہیں کہ وہ لاہور ٹیسٹ میچ میں شرکت نہیں کر سکیں گے۔

یونس خان نے ملتان میں ہونے والے پہلے ٹیسٹ میچ کی پہلی اننگز میں انتالیس اور دوسری اننگز میں اڑتالیس سکور کیا تھا۔

فیصل آباد میں ہونے والے دوسرے ٹیسٹ میچ کی پہلی انگز میں سات اور دوسری انگز میں ستائیس سکور کیا تھا۔