واسطی رن نہ بنا سکے لیکن انہوں نے چار کھلاڑیوں کو آؤٹ کیا

سری لنکا ’اے ‘ ٹیم پہلے کھیلتے ہوئے تنتالیس عشاریہ چار اوور میں ایک بانوے رن بنا کر آؤٹ ہو گئی۔ اس کے جواب میں پاکستان کی ٹیم نے چوالیس عشاریہ دو اوور میں نو وکٹوں کے نقصان پر ایک سو ستاسی رن بنائے۔ لیکن بارش ہوجانے کے باعث ڈک ورتھ لوئس میتھڈ لاگو کیا گیا اور اس طرح پاکستان نے یہ میچ چار رن سے جیت لیا۔

پاکستان کی طرف سے حسن رضا نے چھتیس گیندوں پر چالیس رن بنائے جبکہ یاسر عرفات چھبیس گیندوں پر اٹھائیس رن بناکر ناٹ آؤٹ رہے۔

سری لنکا کے طرف سے ان کے اوپنر واندورت نے ستتر رن اور آر پی آرنلڈ نے اکہتر رن بنائے۔

پاکستان کے سب سے کامیاب بالر وجاہت اللہ واسطی نے سات اوور میں چونتیس رن دیے اور چار وکٹیں حاصل کیں۔ اس کے علاوہ محمد آصف نے اٹھ اوور میں اٹھائیس رن دیے اور دو وکٹیں حاصل کیں۔