دونوں بیٹسمینوں پر بہت دباؤ تھا کہ پرفارم کریں

پاکستان کی جانب سے یونس خان نے سنچری جبکہ یوسف یوحنا نے سنچریاں کیں ہیں۔اس وقت یونس خان 108 جبکہ یوسف یوحنا 101 کے سکور پر کھیل رہے ہیں۔

پاکستان کے پہلے آؤٹ ہونے والے کھلاڑی شاہد آفریدی تھے جو 29 رن بنا کر عرفان پٹھان کی گیند پر تندولکر کے ہاتھوں کیچ آؤٹ ہوئے۔ توفیق عمر کو 18 کے سکور پر بالا جی نے آؤٹ کیا۔ ان کا کیچ ہربھجن سنگھ نے لیا۔

قبل ازیں بھارت کے پہلے دن کے 344 رنز کے سکور پر جب دنیش کارتیک اور عرفان پٹھان نے کھیل شروع کیا تو تیسرے ہی اوور میں دانش کنیریا کی گیند پر کارتیک محمد خلیل کے ہاتھوں رن آؤٹ ہوگئے۔

ان کی جگہ بالا جی کریز پر آئے جو3 ہی رنز بنا کر شاہد آفریدی کے پہلے اوور کی پہلی گیند پر بولڈ ہوگئے۔ پاکستان کی طرف سے سپن بولر دانش کنیریا نے بہترین کاکردگی جاری رکھی اور انہی کے اوور میں عرفان پٹھان، یونس خان کے ہاتھوں سلی مڈ آن پر کیچ آؤٹ ہوئے۔

لیکن اس کے بعد دسویں رنز کی شراکت میں انیل کمبلے اور ہربھجن سنگھ نے جم کر کھیلا اور انڈیا کے سکور کو 407 تک لے جانے میں کامیاب رہے۔ ہربھجن سنگھ عبدالرزاق کی گیند پر آؤٹ ہوئے۔

کولکتہ ٹیسٹ کے لئے دونوں ٹیمیں یہ ہیں۔
پاکستان۔ انضمام الحق ( کپتان ) شاہد آفریدی، توفیق عمر، یونس خان، یوسف یوحنا، عاصم کمال، کامران اکمل ، عبدالرزاق، محمد سمیع، دانش کنیریا اور محمد خلیل۔

بھارت۔سورو گنگولی ( کپتان) گوتم گمبھیر، وریندر سہواگ، سچن ٹنڈولکر، راہول ڈراوڈ، وی وی ایس لکشمن، دنیش کارتک، عرفان پٹھان، انیل کمبلے، لکشمی پاتھی بالاجی اور ہربھجن سنگھ

امپائرز آسٹریلیا کے ڈیرل ہیئر اور ویسٹ انڈیز کے اسٹیو بکنر ہیں ۔ یہ بکنر کا سوواں ٹیسٹ میچ ہے۔میچ ریفری انگلینڈ کے کرس براڈ ہیں۔