بالاجی زخمی ہونے کے باعث ایک سال بعد کرکٹ کے میدان میں واپس آئے ہیں

میچ ریفری کرس براڈ نے بالاجی کو ان کی میچ فیس کا تیس فیصد بطور جرمانہ ادا کرنےکے لیے کہا ہے۔ انہوں نے یہ فیصلہ میچ کے امپائروں ڈیرل ہیئر اور روڈی کوئٹزن کے رپورٹ کے بعد کیا جو کہ ہفتے کو ختم ہونے والے میچ کے بعد جاری کی گئی۔

کرس براڈ نے بین الاقوامی کرکٹ کونسل کی میڈیا ریلیز میں کہا کہ ’ بین الاقوامی کرکٹ میں اس قسم کی اپیلوں کی گنجائش نہیں ہے۔ کھلاڑی نے اس سلسلے میں معافی مانگ لی ہے اور مجھے امید ہے کہ یہ معاملہ یہیں ختم ہو جائے گا‘۔

بالاجی زخمی ہونے کے باعث ایک سال بعد کرکٹ کے میدان میں واپس آئے ہیں اور انہوں نےموہالی ٹیسٹ میں شاندار بولنگ کا مظاہرہ کرتے ہوئے نو وکٹیں حاصل کی تھیں۔

پاکستان اور بھارت کے مابین دوسرا ٹیسٹ کلکتہ میں سولہ مارچ سے شروع ہو رہا ہے جبکہ سیریز کا آخری ٹیسٹ چوبیس مارچ سے بنگلور میں کھیلا جائے گا۔