گزشتہ برس نشریاتی حقوق کے مسئلے کے بعد سونی ٹی وی نے ہی بھارت اور آسٹریلیا کی سیریز نشر کی تھی

بھارتی کرکٹ بورڈ کےصدر رنبیر سنگھ مہندرا نے بتایا کہ ’ اس سیریز کے لیے سونی ٹی وی کو بین الاقوامی نشریاتی حقوق 8.8 ملین پونڈ کے عوض دیے گئے ہیں۔‘

پاک بھارت سیریز کے نشریاتی حقوق کے مسئلے پر مدراس ہائی کورٹ نے اپنے فیصلے میں کرکٹ بورڈ کو ہدایت کی تھی کہ بین الاقوامی نشریاتی حقوق زی ٹی وی اور سٹار ٹی وی کے علاوہ کسی بھی چینل کو دیے جائیں۔

اس سیریز کے پروڈکشن حقوق ٹی ڈبلیو آئی کے پاس ہیں اور مقامی طور پر سرکاری ٹی وی دور درشن اسے ٹیلی کاسٹ کرے گا۔

یاد رہے کہ گزشتہ برس نشریاتی حقوق کے مسئلے کے بعد سونی ٹی وی نے ہی بھارت اور آسٹریلیا کی سیریز نشر کی تھی۔

پاک بھارت سیریز کا پہلا ٹیسٹ منگل سے موہالی میں شروع ہو رہا ہے۔