گنگولی نے سب سے زیادہ نوے سکور کیا

روز باؤل میں کھیلے جانے والے میچ میں کینیا نے بھارت کے دو سو نوّے سکور کے جواب میں پچاس اوور میں سات وکٹوں کے نقصان پر ایک سو بانوے رن بنائے۔

فاسٹ بالر عرفان پٹھان نے دو، اجیت اگرکارنے ایک اور سپنر ہربجن سنگھ نے تین وکٹیں لیں جبکہ کینیا کے ایک کھلاڑی رن آؤٹ ہوئے۔

اس سے پہلے بھارت نے چار وکٹوں کے نقصان پر پچاس اوور میں دو سو نوے رن بنائے تھے۔

اس اننگز کی خاص بات محمد کیف اور راہول ڈراوڈ کے درمیان آخری سات اوور میں ستتر رن کی شراکت ہے۔ ڈراوڈ تیس اور کیف انچاس رن پر ناٹ آؤٹ رہے۔

کپتان سوروو گنگولی نے سب سے زیادہ نوّے رن بنائے۔ وی وی ایس لکشمن اناسی رن پر آؤٹ ہوئے۔

بھارت کو آج صبح کینیا نے ٹاس جیت کر کھیلنے کی دعوت دی تھی۔
بھارت کی طرف سے کپتان گنگولی اور سہواگ نے اننگز کا آغاز کیا ہے۔
لیکن سہواگ صرف سترہ رن بنا کر آؤٹ ہو گئے۔ سہواگ کے آؤٹ ہو جانے کے بعد لکشمن کھیلنے آئے ہیں۔یوراج سنگھ نے نو رن بنائے۔

بھارت کے تیز بالر لکشمی پتی بالا جی زخمی ہونے کی وجہ سے اس سیریز میں نہیں کھیل سکیں گے ۔ تاہم ان کی غیر موجودگی کے باوجود بھارت کو کینیا کی ٹیم پر برتری حاصل ہے۔

کینیا کی ٹیم میں نوجوان اور تجربہ کار دونوں طرح کے کھلاڑی ہیں۔ لیکن ان کی ٹیم میں کولز ابویا اور میوریز اوڈنبے نہیں کھیل رہے جو عالمی کپ میں کینیا کے اہم ترین کھلاڑی تھے۔

اوڈنبے پر ایک جواری سے پیسہ لینے کے الزام میں پانچ سال کی پابندی ہے لہذا کینیا کی ٹیم کپتان سٹیو ٹیکولو پر زیادہ انحصار کرے گی۔

بھارتی ٹیم: سورو گنگولی، اجیت اگارکر، امیت بھنداری، راہول ڈریوڈ، روہن گواسکر، محمد کیف، دنیش کا رتک، انیل کمبلے، وی ایس لکشمن، اشیش نہرا، عرفان پٹھان، وریندر سہواگ، ہربجھن سنگھ اور یوو راج سنگھ۔

کینیا کی ٹیم: سٹیو ٹیکولو، جوزفیٹ ابابو، راغب آغا، ہتیش مودی، تھامس اڈویو، پیٹر اونگونڈو، لیمک اونیانگو، کینیڈی اوٹینو، میورس اوما، بریجال پٹیل، ملہار پٹیل، راویندو شاہ، مارٹن سوجی اور ٹونی سوجی۔