پاکستان کی ہاکی ٹیم نے اس سے پہلے مصر کی ٹیم کو سات صفر سے ہرایا تھا

پاکستان نے تینوں گول میچ کے دوسرے ہاف میں کیے۔

میچ کے پہلے ہاف میں جنوبی کوریا نے گول کرنے کی سخت کوشش کی اور وقفے سے پہلے زیادہ تر کھیل پاکستان کے ہاف میں ہوا۔

تاہم جنوبی کوریا کی ٹیم پہلے ہاف میں حاصل ہونے والے مواقع سے فائدہ اٹھانے میں ناکام رہی اور وقفے پر میچ بغیر کسی گول کے برابر تھا۔

دوسرے ہاف میں پاکستان نے جنوبی کوریا کے حملوں کا ڈٹ کر مقابلہ کیا اور شاندار کھیل کا مظاہرہ کیا۔

پاکستان کی طرف سے پہلا گول ریحان بٹ نے میچ کے تینتالیسویں منٹ میں کیا۔

پاکستان کی طرف سے دوسرا گول شکیل عباسی نے میچ کے چھپونویں منٹ میں کیا۔ پاکستان کی طرف سے تیسرا اور آخری گول پنلٹی کارنر کے ماہر سہیل عباس نے میچ کے چھیاسٹھویں منٹ میں کیا۔

یہ اولمپکس مقابلوں میں پاکستان باسٹھویں اور جنوبی کوریا کے خلاف پہلی فتح تھی۔

گروپ بی کے ایک میچ میں ہالینڈ کی ٹیم نے جنوبی افریقہ کو تین کے مقابلے میں دو گول سے ہرایا۔