نیوزی لینڈ نے لارڈز میں ون ڈے جیت کرسیریز جیت لی

نیوزی لینڈ نے انگلینڈ کے دورے کے اختتام پر ویسٹ انڈیز کے خلاف 266 رنز بنا کر سیریز جیت لی۔ ٹاس جیت کر ویسٹ انڈیز نے نیوزی لینڈ کو بیٹنگ کرنے کی دعوت دی۔ نیوزی لینڈ نے اچھی بیٹنگ کا مظاہرہ کرتے ہوئے 266 رنز بنائے۔ حالانکہ اس کی آخری سات وکٹیں صرف 49 رنز پر گرگئی تھیں۔ اوپنر سٹیفن فلیمنگ 67 اور ناتھن ایسٹل 50 رنز بنا کر آؤٹ ہوئے۔

جواب میں ویسٹ انڈیز کی پوری ٹیم صرف 159 رنز بنا کر آؤٹ ہوگئی۔ نیوزی لینڈ کے ڈینیل وٹری نے بہترین کارکردگی دکھاتے ہوئے 30 رنز دے کر پانچ وکٹیں حاصل کیں۔ بارش کی وجہ سے چوتھے وقفے سے پہلے انہوں نے پانچ اوورز میں تین کھلاڑی آؤٹ کیے۔

اس کے بعد انہوں نے برائن لارا کو 30 پر ایل بی ڈبلیو کر دیا۔ یہ لارا کا 239 ون ڈے انٹرنیشنل تھا۔

ان کی آخری چھ وکٹیں تیزی سےگریں جن کے نقصان پر کھلاڑی صرف 33 رنز بنا سکے۔

نیوزی لینڈ کے کرس ہارس نے ون ڈے میں اپنی 200 وکٹیں پوری کیں۔