بدھ کو ایک خود کش حملے میں چار افراد اس وقت ہلاک ہوگئے جب پولیس کی حراست میں ایک عورت نے جسم سے بندھے بارود سے خودکش دھماکہ کیا۔

سری لنکا کرکٹ بورڈ کے ایک ترجمان رے ایلنگاکون نے بی بی سی کو بتایا کہ ایشیا کپ ملتوی کرنے کا کوئی جواز نہیں ہے۔

چھ ملکی ایشیا کپ جولائی سولہ سے شروع ہو رہا ہے جس میں پاکستانی ٹیم اپنے اس اعزاز کا دفاع کرے گی جو اس نے2000 ء میں ڈھاکہ میں حاصل کیا تھا۔

رے ایلنگاکون نے کہا ایشیا کپ میں حصہ لینے والی کسی بھی ٹیم کے بورڈ نے پروگرام میں تبدیلی کے لیے نہیں کہا ہے۔

سری لنکا کرکٹ بورڈ کے ترجمان نے کہا کہ اگر کسی ٹیم نے کو زیادہ حفاظت کی درخواست کی تو بورڈ مزید سیکیورٹی مہیا کرئے گا۔

یکم اگست کو ختم ہونے اس ایشیا کپ میں انڈیا، پاکستان، سری لنکا، بنگلہ دیش، متحدہ عرب امارات اور ہانگ کانگ کی ٹیمیں حصہ لے رہی ہیں۔