ڈراوڈ نے پاکستان کے خلاف اپنی پہلی سنچری بنائی

پاکستان کی طرف سے آؤٹ ہونے والے پہلے کھلاڑی عمران فرحت تھے۔ انہیں بالاجی کی گیند پر سہواگ نے سلپ میں کیچ کیا۔

پاکستان کی طرف سے دوسری آؤٹ ہونے والے اوپنر توفیق عمر تھے۔ وہ عرفان پٹھان کی گیند پر ایل بی ڈبلیو آؤٹ ہوئے۔

کھیل کے اختتام پر یاسر حمید آٹھ اور وکٹ کیپر کامران اکمل دس رنز پر بیٹنگ کر رہے تھے۔

بھارت نے اپنی پہلی اننگز میں پاکستان کے 224 رن کے جواب میں 600 رن بنائے۔ اس طرح بھارت نے تین سو چھہتر رنز کی سبقت کے ساتھ میچ پر اپنی گرفت مضبوط کر لی تھی۔

تیسرے روز کے کھیل کی خاص بات نائب کپتان راہول ڈراوڈ کی ڈبل سنچری ہے۔ وہ دو سو ستر کے سکور پر عمران فرحت کی گیند پر بولڈ ہوئے۔ یہ پاکستان کے خلاف ڈراوِڈ ان کی پہلی سنچری ہے۔

بھارت کے آؤٹ ہونے والے آخری کھلاڑی لکشمی پتی بالاجی تھے جو عمران فرحت کی گیند پر کیچ آؤٹ ہوئے۔

اس سے پہلے انیل کمبلے دانش کنیریا کی گیند پر سٹمپ آؤٹ ہوئے۔

عرفان پھٹان بھی پندرہ کے سکور پر کنیریا کی ہی گیند پر کیچ آؤٹ ہوئے تھے۔ یوراج سنگھ کو محمد سمیع نے ایل بی ڈبلیو کیا، انہوں نے سینتالیس رنز بنائے۔

تیسرے روز آؤٹ ہونے والے پہلے کھلاڑی کپتان سورو گنگُولی تھے جنہوں نے ستتر رن بنائے۔ وہ رن آؤٹ ہوئے۔

بھارت کی طرف سے وی وی ایس لکشمن نے اکہتر رن بنائے۔ لکشمن کو شعیب اختر نے ایک تیز گیند پر بولڈ کیا۔ پاکستان کی طرف سے سب سے عمدہ بولنگ شعیب نے کی، انہوں نے سینتالیس رن دے کر تین وکٹ حاصل کئے۔

ان سے پہلے آؤٹ ہونے والے بیٹسمین تندولکر تھے جو صرف ایک رن بنا کر شعیب کی بال پر کامران اکمل کے ہاتھوں کیچ آؤٹ ہوگئے۔

پارتھو پٹیل نصف سنچر بناتے ہوئے 69 رن پر آؤٹ ہوگئے تھے۔

پہلے آؤٹ ہونے والے کھلاڑی وریندر سہواگ تھے جو کوئی سکور بنائے بغیر شعیب اختر کی پہلی ہی گیند پر یاسر حمید کے ہاتھوں کیچ ہو گئے۔

بھارت نے ٹاس جیت کر پاکستان کو کھیلنے کی دعوت دی اور اس کے تیز رفتار بولر شروع ہی سے کھیل پر چھائے رہے۔ کوئی بھی پاکستانی کھلاڑی بھارتی بولروں کے سامنے جم کر نہ کھیل سکا ۔