ٹوئٹر این ایف ایل کھیلوں کو آن لائن نشر کرے گا
معروف مائیکرو بلاگنگ سائٹ ٹوئٹر نے نیشنل فٹبال لیگ کے مقابلوں کو آن لائن نشر کرنے کا معاہدہ کیا ہے۔
اس مقصد کے لیے ٹوئٹر نے نشریاتی حقوق جیتنے کے لیے متعدد کمپنیوں کے ہمراہ بولی لگائی تھی جن میں ورائزن کمیونیکیشنز، یاہو اور ایمازون شامل ہیں۔
فیس بک گذشتہ ہفتے بولی لگانے کے عمل سے نکل گیا تھا۔
نیشنل فٹبال لیگ کےکمشنر روجر گوڈل نے ٹوئٹر کے ہمراہ ہونے والے اس معاہدے کی تصدیق کی ہے تاہم ٹوئٹر نے اس بارے میں کوئی بیان جاری نہیں کیا۔
واضح رہے کہ نیشنل فٹبال لیگ نے گذشتہ برس ٹوئٹر کے ساتھ اپنے مداحوں کو ویڈیوز دکھانے کے لیے کئی سالوں پر مشتمل ایک معاہدہ کیا تھا۔
