تاریخ کے پہلے ڈے نائٹ میچ میں آسٹریلیا فاتح
،تصویر کا ذریعہAP
ایڈیلیڈ میں کھیلے جانے والے تیسرے اور تاریخی ٹیسٹ میچ کے تیسرے دن آسٹریلیا نے نیوزی لینڈ کو تین وکٹوں سے ہرا کر دو صفر سے سیریز جیت لی ہے۔
تیسرے دن نیوزی لینڈ نے آسٹریلیا کو جیت کے لیے 187 رنز کا نسبتا آسان ہدف دیا تھا جسے آسٹریلیا نے تین وکٹوں کے نقصان پر حاصل کر لیا اور اس کے ساتھ ہی آسٹریلیا نے تین میچوں کی سیریز دو صفر سے جیت لی۔
تاریخ کے پہلے دن اور رات کے ٹیسٹ میچ میں گلابی گیند سے کھیل ہوا اور بیٹسمین کی جگہ بولروں کا جادو سر چڑھ کر بولتا رہا۔ جب جیت کے لیے صرف 11 رنز باقی تھے تو شوان مارش 49 رنز بناکر آؤٹ ہو گئے پھر جب دو رنز باقی تھے تو پہلی اننگز کے معمار پیٹر نیول دس رنز پر آؤٹ ہو گئے لیکن پیٹر سیڈل نے ساؤدی کی گیند پر دو رنز لے کر آسٹریلیا کو جیت سے ہمکنار کرا دیا۔
نیوزی لینڈ کی جانب سے ٹرینٹ بولٹ نے سات میں سے پانچ وکٹیں حاصل کیں اور بہترین فاسٹ بولنگ کا مظاہرہ کیا۔
<link type="page"><caption> میچ کا تفصیلی سکور کارڈ</caption><url href="http://www.bbc.co.uk/sport/cricket/scorecard/ECKP90188" platform="highweb"/></link>
،تصویر کا ذریعہReuters
اس سے قبل دوسرے دن کھیل کے اختتام پر نیوزی لینڈ نے آسٹریلیا کے خلاف اپنی دوسری اننگز میں پانچ وکٹوں کے نقصان پر 116 رنز بنائے تھے جبکہ تیسرے دن ٹیم مزید 92 رنز بناکر آؤٹ ہو گئی۔
جواب میں آسٹریلیا کی جانب سے اوپنر ڈیوڈ وارنر نے جارحانہ انداز میں کھیلتے ہوئے 35 رنز بنائے تاہم تین وکٹیں جلدی جلدی گر گئیں اور ایک وقت دونوں ٹیمیں برابر نظر آ رہی تھیں لیکن پھر شوان مارش اور مچل مارش کی عمدہ بیٹنگ نے آسٹریلیا کو فتح سے ہمکنار کر دیا۔
آسٹریلیا کے جانب سے ہیزل وڈ نے 70 رنز کے عوض چھ وکٹ لیں جبکہ مچل مارش کو تین وکٹیں ملیں۔
اس سےقبل آسٹریلیا کی پوری ٹیم اپنی پہلی اننگز میں 224 رنز بنا کر آؤٹ ہو گئی تھی۔
،تصویر کا ذریعہGetty
آسٹریلیا کی جانب سے پہلی اننگز میں پیٹر نیول 66 اور کپتان سٹیون سمتھ 53 رنز کے ساتھ نمایاں بلے باز رہے۔
نیوزی لینڈ کے بولروں نے عمدہ بولنگ کا مظاہرہ کیا اور کسی بھی آسٹریلوں بلے باز کو زیادہ دیر وکٹ پر رکنے نہ دیا۔
نیوزی لینڈ کی جانب سے پہلی اننگز میں بریس ویل نے تین جبکہ مارک گریگ اور ٹرینٹ بولٹ نے دو، دو اور ساؤدتھی نے ایک کھلاڑی آؤٹ کیا۔
اس سے قبل نیوزی لینڈ کے کپتان نے ٹاس جیت کر پہلے بیٹنگ کا فیصلہ کیا تو پوری ٹیم میچ کے پہلے روز 202 رنز بنا کر آؤٹ ہوگئی تھی۔
