پالیکے: سری لنکا کی جیت، سیریز برابر

پالیکے میں کھیلے جانے والے دوسرے ایک روزہ میچ میں سری لنکا نے جنوبی افریقہ کو 87 رنز سے شکست دے کر تین میچوں کی سیریز ایک ایک سے برابر کر لی۔

جنوبی افریقہ کی پوری ٹیم 268 رنز کے ہدف کے تعاقب میں 38.1 اوورز میں 180 رنز بنا کر آؤٹ ہو گئی۔

<link type="page"><caption> میچ کا تفصیلی سکور کارڈ</caption><url href="http://www.bbc.co.uk/sport/cricket/scorecard/89367" platform="highweb"/></link>

جنوبی افریقہ کی جانب سے ہاشم آملہ نے 11 چوکوں کی مدد سے مسلسل دوسری سنچری بنائی تاہم وہ اپنی ٹیم کو فتح دلانے میں ناکام رہے۔

جنوبی افریقہ کے دوسرے نمایاں کھلاڑی اے بی ڈویلیئر رہے، انھوں نے تین چوکوں کی مدد سے 29 رنز بنائے۔

ان دونوں بلے بازوں کے علاوہ جنوبی افریقہ کے دیگر بلے باز سری لنکا کی عمدہ بولنگ کا مقابلہ نہ کر سکے۔

سری لنکا کی جانب سے لستھ ملنگا نے چار اور دلشان نے تین کھلاڑیوں کو آؤٹ کیا۔

اس سے پہلے سری لنکا نے ٹاس جیت کر پہلے بیٹنگ کرتے ہوئے 42.2 اوورز میں 267 رنز بنائے۔

سری لنکا کی جانب سے دلشان نے نو چوکوں کی مدد سے 86 اور جے وردھنے نے ایک چوکے کی مدد سے 48 رنز بنائے۔

جنوبی افریقہ کی جانب سےمیکلارن نے چار، فلینڈر اور عمران طاہر نے دو دو کھلاڑیوں کو آؤٹ کیا۔

سری لنکا کے دلشان کو میچ کا بہترین کھلاڑی قرار دیا گیا۔

دونوں ٹیموں کے درمیان سیریز کا تیسرا اور آخری میچ 12 جولائی کوکھیلا جائے گا۔