فٹبال کے عظیم کھلاڑی میراڈونا وفات پا گئے
،تصویر کا ذریعہGetty Images
فٹبال کے عظیم کھلاڑی اور ارجینٹینا کے سابق کپتان ڈی ایگو میراڈونا 60 سال کی عمر میں وفات پا گئے ہیں۔
ارجنٹائن کے سابق اٹیکنگ مڈفیلڈر اور مینیجر کو بیونس آئرس میں ان کے گھر پر دل کا دورہ پڑا تھا۔
نومبر میں ان کے دماغ کی ایک شریان کی، جس میں ایک کلاٹ تھا، کامیاب سرجری ہوئی تھی۔ شراب کی لت کی وجہ سے بھی ان کا علاج ہوا تھا۔
مزید پڑھیے
ارجنٹینا کے عظیم فٹبالر دل کا دورہ پڑنے سے وفات پا گئے ہیں۔ وہ 1986 میں ورلڈ کپ جیتنے والی ارجنٹائن ٹیم کے کپتان تھے
گول 34ارجنٹینا کے لیے 91 میچوں میں
2مرتبہ ان کی کپتانی میں اجنٹائن ٹیم ورلڈ کپ فائنل میں پہنچی
4مرتبہ ورلڈ کپ کھیلے
2مرتبہ اٹلی میں نیپولی کے ساتھ ’سیری اے‘ جیتے۔ نیپولی نے اس کے بعد کبھی یہ لیگ نہیں جیتی
فٹبال کی تاریخ کے سب سے بڑے کھلاڑیوں میں سے ایک میراڈونا ارجینٹینا کی اس ٹیم کے کپتان تھے جس نے 1986 میں ورلڈ کپ جیتا تھا۔ اس ورلڈ کپ میں ان کی پرفارمنس بہت اچھی رہی تھی اور انھیں انگلینڈ کے خلاف کوارٹر فائنلز میں ’ہینڈ آف گاڈ‘ گول کی وجہ سے بہت شہرت ملی۔
ارجینٹینا فٹبال ایسوسی ایشن نے سوشل میڈیا پر ایک بیان میں میراڈونا کے انتقال پر گہرے رنج و غم کا اظہار کرتے ہوئے کہا ہے: ’آپ ہمیشہ ہمارے دلوں میں رہیں گے۔‘
ارجینٹینا کے صدر نے ملک میں تین دن کے قومی سوگ کا اعلان کرتے ہوئے کہا ہے: ’آپ ہمیں دنیا کی چوٹی پر لے گئے تھے۔ آپ نے ہمیں بہت خوش کیا تھا۔ آپ ان میں سب سے عظیم تھے۔‘
End of سب سے زیادہ پڑھی جانے والی
’دنیا میں رہنے کے لیے شکریہ ڈی ایگو۔ ہم تمام زندگی آپ کو مس کرتے رہیں گے۔‘
انھوں نے اپنے فٹبال کے کیریئر کے دوران بارسیلونا اور نیپولی کے لیے کھیلا تھا اور اطالوی سائیڈ کے ساتھ دو سیریز اے ٹائٹل بھی جیتے تھے۔
انھوں نے چار ورلڈ کپ میں ارجینٹینا کی نمائندگی کرتے ہوئے 91 میچوں میں 34 گول کیے۔
میراڈونا نے 1990 میں اٹلی میں ہونے والے ورلڈ کپ میں اپنی ٹیم کی نمائندگی کی تھی، جہاں وہ فائنل میں جرمنی سے ہار گئے تھے۔ اس کے بعد 1994 میں امریکہ میں ہونے والے ورلڈ کپ میں بھی وہ بطور کپتان گئے لیکن ایفیڈرین کے ڈرگ ٹیسٹ میں ناکامی کے بعد انھیں مل واپس بھیج دیا گیا۔
1960ڈیاگو ارمانڈو لانس، بیونس آئرس میں پیدا ہوئے۔ سنہ 1976 میں ’ارجنٹینوس جونیئرز‘ کے ساتھ پروفیشنل فٹبال کا آغاز کیا
1979ارجنٹائن کی قومی انڈر 20 ٹیم کے ساتھ پہلا ورلڈ کپ جیتا
1986میکسیکو میں انگلینڈ کے خلاف ’ہینڈ آف گاڈ‘ کا مشہور واقعہ پیش آیا۔ ارجنٹائن نے مغربی جرمنی کو شکست دے کر ورلڈ کپ جیت لیا
1997اپنی 37ویں سالگرہ پر پروفیشنل فٹبال سے ریٹائر ہوگئے
2000فیفا کا صدی کے بہتری کھلاڑی کا ایوارڈ جیتا
2008دو برس کے لیے ارجنٹائن کی قومی ٹیم کے کوچ مقرر ہوئے اور نومبر 2020 میں اپنی وفات تک مختلف ٹیموں کے ساتھ کام کرتے رہے
اپنے کیریئر کے دوسرے دور میں میراڈونا کوکین کی لت سے لڑتے رہے اور 1991 میں ایک ڈرگ ٹیسٹ کے مثبت آنے کے بعد ان پر 15 ماہ کی پابندی لگا دی گئی۔
انھوں نے 1997 میں اپنی 37 ویں سالگرہ پر پروفیشنل فٹبال کو خیرباد کہا۔ اس وقت وہ ارجینٹینا کی ٹیم بوکا جونیئر کے ساتھ تھے۔
سنہ 2008 کو میراڈونا کو ارجینٹینا کی قومی ٹیم کا ہیڈ کوچ مقرر کیا گیا لیکن 2010 میں جرمنی کے ہاتھوں ورلڈ کپ کے کوارٹر فائنلز میں شکست کے بعد انھوں نے یہ عہدہ بھی چھوڑ دیا۔
اس کے بعد انھوں نے متحدہ عرب امارات اور میکسیکو کی ٹیموں کا انتظام سنبھالا اور اپنی موت کے وقت ارجینٹینا کی ٹاپ کی ٹیم جمناسیا ایسگریما کے انچارج تھے۔
فٹبال کی دنیا سے خراجِ تحسین
برازیل کے عظیم کھلاڑی پیلے نے میراڈونا کی وفات پر اظہارِ افسوس کرتے ہوئے کہا: ’ایک دن ہم اوپر آسمان پر اکٹھے بال کو کک لگا رہے ہوں گے۔‘
