آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دو چینی کرکٹروں کی پشاور زلمی کے ساتھ ٹریننگ
- مصنف, عبدالرشید شکور
- عہدہ, بی بی سی اردو ڈاٹ کام، شارجہ
دو چینی کرکٹروں جیان لی اور یوفیے ژانگ نے جمعرات کے روز پشاور زلمی کے ساتھ شارجہ اسٹیڈیم میں ٹریننگ کی۔
یہ دونوں کھلاڑی خصوصی طور پر پشاور زلمی میں شامل ہوئے ہیں اور وہ اب ٹیم کے ساتھ رہ کر ٹریننگ کرتے رہیں گے تاہم یہ دونوں کسی میچ میں حصہ نہیں لے سکیں گے۔
دونوں چینی کرکٹروں کو ٹیم ہوٹل میں خوش آمدید کہا گیا۔ پشاور زلمی کے مینٹور اور سابق ٹیسٹ کرکٹر یونس خان نے ان کرکٹروں کو پشاور زلمی کی قمیصیں دیں۔
یہ بھی پڑھیے
یوفیے ژانگ اس موقعے پر خاصے جذباتی نظر آئے اور انھوں نے کہا کہ وہ یونس خان کے بہت بڑے مداح ہیں۔
پشاور زلمی کے سربراہ جاوید آفریدی کا کہنا ہے کہ چینی کرکٹروں کی پشاور زلمی میں شمولیت کا مقصد ان کی حوصلہ افزائی کرنا ہے اور اس سے چین میں کرکٹ کو مقبول کرنے میں مدد ملے گی۔
End of سب سے زیادہ پڑھی جانے والی
یاد رہے کہ پشاور زلمی نے پاکستان سپر لیگ سے قبل گلوبل زلمی لیگ منعقد کی تھی جس میں 16 ممالک سے مختلف کلبوں نے حصہ لیا تھا جس میں چائنا زلمی بھی شامل تھی جس نے عمدہ کارکردگی کا مظاہرہ کرتے ہوئے یہ لیگ جیتی تھی۔
چین میں کرکٹ کا کھیل وقت کے ساتھ ساتھ دلچسپی اختیار کرتا گیا ہے۔
چینی حکام نے اپنے یہاں کرکٹ کو مقبول بنانے کے لیے پاکستان کے سابق کرکٹر جاوید میانداد کے تجربے سے بھی استفادہ کیا تھا جبکہ سابق فاسٹ بولر راشد خان طویل عرصے سے چینی کرکٹ ٹیم کے کوچ ہیں۔
یہ دونوں کرکٹر چین کی قومی کرکٹ ٹیم کے کھلاڑی ہیں۔
