آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
رونالڈو کو کیوں کسی کا خوف نہیں؟
سپین کے پراسیکیوٹرز نے ریال میڈرڈ کلب کی جانب سے کھیلنے والے پرتگال کے فٹ بال کھلاڑی کرسچیانو رونالڈو پر لاکھوں یوروز کی ٹیکس چوری کا الزام عائد کیا ہے۔
میڈرڈ میں پراسیکیوٹرز کے دفتر کی جانب سے جاری ہونے والے ایک بیان میں کہا گیا ہے کہ انھوں نے رونالڈو کے خلاف ٹیکس چوری کا مقدمہ دائر کیا ہے۔
رونالڈو پر سنہ 2011 سے 2014 کے دوران 16 ملین یوروز کی ٹیکس چوری کا الزام ہے۔
سپورٹس کی دنیا میں سب سے زیادہ کمائی کرنے والوں کی فہرست میں شامل رونالڈو ماضی میں کہہ چکے ہیں کہ وہ ٹیکس چوری کی تحقیقات کی وجہ سے پریشان نہیں ہیں کیونکہ ان کے پاس چھپانے کے لیے کچھ نہیں تھا۔
خیال رہے کہ دسبمر میں لیک ہونے والے خفیہ دستاویزات میں کہا گیا تھا کہ رونالڈو نے مبینہ طور پر آف شور اکاؤنٹس سے حاصل ہونے والی آمدنی پر ٹیکس ادا نہیں کیا تھا۔ کرسچیانو رونالڈو نے ان الزامات کی تردید کی تھی۔
End of سب سے زیادہ پڑھی جانے والی
جب اس تحقیق سے متعلق رونالڈو سے پوچھا گیا تو انھوں نے مقامی ادارے ریڈیو ٹیلی ویژن پرتوگیزا سے تعلق رکھنے والے ایک صحافی کو کہا کہ 'جس کے پاس چھپانے کو کچھ نہیں ہوتا اسے کسی کا خوف نہیں ہوتا۔‘
