زیادہ تر ماہرین کا خیال ہے کہ فروی سے پہلے اس کا لانچ ممکن نہیں

ابتدائی طور پر یورپی لیب کو دسمبر میں مدار میں بھیجا جانا تھا لیکن اس کے فیول سینسر میں خرابی کے باعث اس کے لانچ کو ملتوی کر دیا گیا۔

اب کہا جا رہا ہے کہ اسے چوبیس جنوری تک خلاء میں بھیجا جا سکے گا لیکن زیادہ تر ماہرین کا خیال ہے کہ فروی سے پہلے اس کا لانچ ممکن نہیں۔

ناسا کے ماہرین کا کہنا ہے کہ اس کے انجنیئروں کو فیول سینسر سسٹم کے الیکٹریکل کنکشن کی مرمت کے لیے مزید وقت درکار ہے۔

فیول سینسر شٹل کے بہت بڑے بیرونی فیول ٹینک کی تہہ میں ہوتے ہیں اور ان کا بنیادی مقصد ایمرجنسی بیک اپ مہیا کرنا ہے۔شٹل کے تین انجنوں کو بغیر ایندھن کے چلانے سے خوفناک دھماکہ ہو سکتا ہے۔

کولمبس لیب انٹرنیشنل سپیس سٹیشن کے سلسلے کی سائنسی کاوشوں میں یورپ کا بڑا حصہ ہے۔اسے امریکہ اور یوروپ کے ٹیکنیشن مشترکہ طور پر جوڑیں گے اور خلا میں بھیجیں گے۔