ہمیں پچاس قدم چلنے کے قابل ہونے میں تین روز لگے: بابر

کوہ پیماؤں کی یہ ٹیم پندرہ مئی سے چڑھائی شروع کرے گی اور توقع کی جا رہی ہے کہ وہ آٹھ روز میں اپنی منزل پر پہنچیں گے۔

بابر وسط اپریل میں ایورسٹ کے بیس کیمپ پر پہنچے تھے اور اس کے بعد سے اپنے آپ کو بلندی کا عادی بنا رہے ہیں۔ انہوں نے نے بی بی سی کو بتایا کہ پچاس قدم بغیر سانس لیے چلنے کے قابل ہونے میں تین روز لگے۔

ایورسٹ کی چوٹی سے موبائل فون استعمال کرنا چین کی طرف سے ایک بیس سٹیشن کی تعمیر کے بعد ممکن ہوا جو ایورسٹ کی شمالی کگر کی حد میں ہے۔

ہمالیہ میں ٹیلی فون کی سروس چینی فوج کی ایورسٹ کے بیس کیمپ پر موجودگی کی وجہ سے بھی بہتر ہوئی ہے جو اولمپک کی مشعل چوٹی پر لے کر جانے کی تیاری کر رہی ہے۔