چالیس ملین سے زائد کریڈٹ کارڈز اکاونٹس ہیک کیےجانے کا خطرہ

ماسٹر کارڈز انٹر نیشنل کا کہنا ہے کہ اس گڑبڑ کا سراغ اٹلانٹا میں ایک کمپنی میں ہوا جو بینکوں اور تاجروں کے لیے لین دین کا عمل سرانجام دیتی ہے۔

کمپنی نے خبردار کیاہے کہ اس عمل سے کریڈٹ کارڈز کے تمام برینڈز متاثر ہو سکتے ہیں۔

کارڈز سسٹم سولوشن کمپنی کا کہنا ہے کہ اس نےاس گڑبڑ کی نشاندہی پچھلے ماہ ہی کر دی تھی اور اس سلسلے میں فوراً ایف بی آئی سے رابطہ کیا تھا جس نے اس معاملے کی چھان بین شروع کر دی تھی۔

کمپنی نے جمعہ کو ایک پریس ریلیز میں اس گڑبڑ کا اعلان کیا تھا۔ اس بات کی نشاندہی کی گئی تھی کہ کریڈٹ کارڈز کے نظام میں خامیوں کی وجہ سے
کوئی نامعلوم شخص غیر قانونی طریقے سے کریڈٹ کارڈز کےنیٹ ورک میں داخل ہونے اور کارڈہولڈرز کے ڈیٹا تک رسائی حاصل کرنے میں کامیاب ہوا۔

اس نے کہا کہ کمپنی کے چالیس ملین سے زائد کسٹمرز اس فراڈ کے نتیجے میں متاثر ہوسکتے ہیں۔ جبکہ اس کے بائیس ملین ویزا کارڈز ہولڈر ہیں۔

ماسٹر کارڈز کی ترجمان خاتون شیرن جیمسن نے ایسوسی ایٹڈ پریس کو بتایا کہ ڈیٹا جس میں کریڈٹ کارڈ ہولڈرز کے نام، بینکوں اور اکاؤنٹ نمبروں کی تفصیلات شامل ہیں، رقوم کی چوری میں یہ تفصیلات استعمال کی جاسکتی ہیں مگر کون سے کی جائیں گی یہ کہنا مشکل ہے۔

کمپنی نےماسٹر کارڈز جاری کرنے والے بینکوں کو اس مسئلے سے آگاہ کر دیا ہے۔
اس کمپنی کی ایک پریس ریلیز کے مطابق اس نے بائیس مئی کو ’پوٹینشل سکیورٹی کے واقعہ‘ کے عنوان سے اس گڑبڑ کا اعلان کر دیا تھا۔

ماسٹر کارڈز کمپنی کا کہنا ہے کہ وہ کریڈٹ کارڈز کی سکیورٹی کے حوالے سے اضافی طریقے وضح کر رہی ہے۔