امریکہ میں ایک بھائی بہن کو لاکھوں غیر ضروری یا سپیم ای میلز بھیجنے پر عدالت نے سزا سنائی ہے۔ سپیم بھیجنے والوں کے خلاف یہ پہلی باقاعدہ کارروائی ہے۔ یہ دونوں اے او ایل انٹرنیٹ استعمال کرنے والوں کو سپیم بھیجتے تھے۔ ورجینیا میں عدالت نے اس جرم میں ملوث شخص جیریمی جینز کو نو سال قید کی سزا کی تجویز دی ہے جبکہ اس کی بہن جیسیکا ڈیگروٹ پر 7500 ڈالر کا جرمانہ عائد کیا گیا ہے۔ انہیں ریاست کے اس قانون کے تحت سزا سنائی گئی ہے جس کے مطابق جعلی پتے سے ایسی ای میلز یا سپیم بھیجنا منع ہے۔ انہیں باقاعدہ طور پر سزا اگلے سال سنائی جائے گی۔ اسی مقدمے میں ایک تیسرے شخص رچرڈ رٹکوسکی کو بری کردیا گیا ہے۔ جیریمی جینز مختلف اشیاء اور سافٹ ویئرز کی جعلی فروخت کے اشتہارات اے او ایل استعمال کرنے والوں کو بھیجتے تھے جبکہ ان کی بہن لوگوں سے انٹرنیٹ پر پیسے وصول کرنے میں جیریمی کی مدد کیا کرتی تھی۔ وکلاء کے مطابق جیریمی نے اس جعلی کاروبار سے 24 ملین ڈالر کمائے ہیں۔ „وہ کئی برس کامیابی کے ساتھ لوگوں سے رقم لوٹتا رہا ہے‘۔ استغاثہ نے جیریمی کے لیے پندرہ برس قید کیتجویز پیش کی تھی جبکہ ان کا اصرار تھا کہ اس کی بہن کے لیے بھی سزائے قید دی جانی چاہیے تھی۔ | 
یہ صفحہ دوست کو ای میل کیجیئے
پرِنٹ کریں
