پورا چاند گرہن ہو گا

ماہرین کا کہنا تھا کہ چاند گرہن تو شام سے پہلے ہی سے شروع ہو چکا تھا لیکن آسمان پر اس کی شکل سورج ڈھلنے پر ہی واضح ہو ئی۔

ہلکے سرخی مائل کتھئی رنگ کا چاند افق کے جنوبی مشرق پر آہستہ آہستہ طلوع ہوا۔

رائل اسٹرانومیکل سوسائٹی کے ڈاکٹر مٹن کے مطابق ’چاند گرہن کا منظر سحر انگیز اور خوبصورت ہو تا ہے اور ہاں ہر بار یہ منظر ماضی سے مختلف بھی ہوتا ہے۔‘

انگلینڈ کے مشرقی حصے سے چاند گرہن کا بہترین منظر دیکھا جاسکتا تھا تاہم سکاٹ لینڈ، ویلز، آئر لینڈ اور جنوب مغربی انگلینڈ میں بادل چھائے رہے۔

لندن میں یہ منظر تقریباً ایک گھنٹے سولہ منٹ تک دیکھا گیا۔ چاند گرہن کا نظارہ لندن کے مقامی وقت کے مطابق رات آٹھ بج کر باون منٹ پر شروع ہوا اور دس بج کر آٹھ منٹ تک موجود رہا۔

یاد رہے کہ چاند گرہن کے وقت چاند ہمیشہ مکمل ہو چکا ہوتا ہے۔ اور یہ بھی جب ہی ہوتا ہے جب خلا میں چاند، سورج اور زمین ایک ہی سمت میں آنے کے قریب ہوں۔

گزشتہ نومبر میں چاند گرہن افریقہ، یورپ ، امریکہ اور ایشیا میں دیکھا گیا تھا۔

اس سال اکتوبر میں ایک مرتبہ پھر چاند گرہن کا نظارہ دیکھا جائے گا۔