سوشل میڈیا پر سال 2014 کے اہم شگوفے

سال 2014 ایک ایسا سال تھا جو سنیپ چیٹنگ، ٹیگنگ، ٹرینڈز کا سال تھا۔

فس بُک 10 برس کی ہو گئی، ٹوئٹر کا آٹھواں شروع ہوا اور انسٹاگرام کا چوتھا انھیں پر کئی سیاستدانوں، ستاروں اور کھلاڑیوں کو شرمندگی کا سامنا کرنا پڑا۔

اب وہ دور گیا کہ آپ نے ٹویٹ کی یا سٹیٹس شیئر کیا اور جلدی سے ڈیلیٹ کیا اور کسی کو کانوں کان خبر نہیں ہوئی۔ اب لوگ پڑھتے بعد میں ہیں اور سکرین شاٹ پہلے لیتے ہیں۔

اب ایسی باتوں پر کچھ لوگوں کو تو سوشل میڈیا پر روکا جانا چاہیے۔

بیفی بوتھم

اگر آپ یہ سب پہلی بار پڑھ رہے ہیں تو شکر ادا کیجیے۔

انگلینڈ کرکٹ ٹیم کے کپتان ایئن بوتھم نے بظاہر ایک برہنہ تصویر اس کیپشن کے ساتھ ٹویٹ کی ’کیا سوچ رہی ہو میری جان‘ اپنے اس اکاؤنٹ کے ساتھ ٹویٹ کی جس کا ہینڈل تھا beefybotham@

58 سالہ کرکٹر کو فٹبالر روبی سیویج نے توجہ دلائی کہ ’لگتا ہے دوست آپ کا اکاؤنٹ ہیک ہو گیا ہے۔‘

اس پر کرکٹر اور بعد میں کمنٹیٹر نے جواب دیا ’بڑی مزاحیہ بات کی ہے‘ مگر بعد میں انہیں اس کے روشن پہلو کی چکا چوند نے جگایا تو انہوں نے ٹویٹ کی کہ ’میں ہیکر کا شکریہ ادا کرنا چاہتا ہوں کہ اس نے 20 منٹ میں مجھے 500 ہٹس دلا دیے۔‘

انہوں نے اس سب کو اپنے 320000 فالوورز کو ری ٹویٹ کیا اور اس پر لوگ کہاں انہیں بخشنے والے تھے۔ خود ہی دیکھ لیں نیچے

بے شک وزیراعظم ڈیوڈ کیمرون نے سوشل میڈیا کے خطرات سے خبردار کیا تھا کہ ’بہت سارے ٹوٹس بناتے ہیں۔۔۔۔۔‘ مگر زیادہ دیر نہیں لگی انہیں خود اسی پھسلن سے نیچے گرنے میں شاید اسی لیے سال کی سب سے زیادہ میمڈ (ایسی تصویر جنھیں کسی پر طنز کرنے یا کسی کا مذاق اڑانے کے لیے بنایا جائے) پوسٹس میں انھیں کی ایک ٹویٹ تھی۔

ٹوئٹر پر سیاستدانوں کے یہ حالات ہیں کہ ڈیوڈ کیمرون جو مرضی ٹویٹس کریں انھیں بے رحمی سے ٹرول کیا جاتا ہے مگر اس بار صورتحال مختلف تھی کیونکہ کچھ مشہور چہرے بھی اس بہتی گنگا میں ہاتھ دھونے لگے۔

واقعہ یوں ہے کہ وزیراعظم ڈیوڈ کیمرون کی نیچے دی گئی اس تصویر کے بعد۔۔۔۔۔

کامیڈین روب ڈینلی نے اس کے بعد یہ پوسٹ کیا

اور پھر سر پیٹرک سٹیورٹ جنھیں سٹار ٹریک فلم سے شہرت ملی نے یہ پوسٹ کر دی۔

بات وزیراعظم کیمرون تک نہیں بلکہ کئی سیاستدان سوشل میڈیا پر اپنے آپ جا پھنسے یا پھر ان کی بظاہر عام سی باتوں کو لوگوں نے آڑے ہاتھوں لیا۔

برے مذاق

فلم امریکن پائی کے اداکار جیسن بگز کو ملائشین پرواز MH17 کے گرائے جانے کے بعد کیا گیا ایک مذاق کافی مہنگا پڑا بلکہ ایک طوفان ہی کھڑا ہو گیا جس حادثے میں 298 افراد اپنی جانوں سے گئے۔

اس خوفناک حادثے کے کئی گھنٹے کے بعد انہوں نے ٹویٹ کی کہ ’کیا کوئی میرے ملائشین ایئر لائنز کے اکثر سفر کرنے کے نتیجے میں ملنے والے بونس ائیر مائلز حاصل کرنا چاہتا ہے؟‘

سوشل میڈیا پر اٹھنے والے طوفان کے بعد جیسن نے اپنی ٹویٹ کا دفاع کیا کہ کوئی ٹوئٹر کے صارفین کو انھیں فالو کرنے پر مجبور نہیں کر رہا مگر بعد میں انھوں نے اس پر معذرت کی اور ٹویٹس کی سیریز کے ذریعے وضاحت پیش کرنے کی کوشش کی۔

چند دن قبل <link type="page"><caption> پاکستان میں ایک نوجوان کو تھانے میں فون کر کے بم دھماکے کی افواہ کے جرم میں 26 سال قید کی سزا سنائی گئی</caption><url href="http://www.bbc.co.uk/urdu/pakistan/2014/12/141227_hoax_caller_sentenced_sq" platform="highweb"/></link> تو اگر آپ ان حساس معاملات کو سنجیدہ نہیں لیتے تو اس ولندیزی لڑکی کی مثال کافی ہے۔

ایک 14 سالہ ولندیزی لڑکی کو یہ شوق کچھ مہنگا پڑ گیا جب انھوں نے امریکن ایئر لائنز کو ایک دھمکی بھری ٹویٹ کی جس میں انھوں نے اپنے آپ کو دہشت گرد بتایا اور القاعدہ کا حصہ بتا کر کچھ کرنے کی دھمکی دی۔

اس پر ہاتھوں ہاتھ فضائی کمپنی نے جواب دیا کہ ’ہم اس نوعیت کی دھمکیوں کو سنجیدگی سے لیتے ہیں اور آپ کا آئی پی ایڈریس ایف بی آئی کو دے رہے ہیں‘۔

لڑکی کو فوری معاملے کی سنگینی کا اندازہ ہو اور اس نے ٹویٹسں کیں کہ’میں معذرت چاہتی ہوں میں اب خوفزدہ ہوں میں تو مذاق کر رہی تھی میں صرف ایک عام لڑکی ہوں پلیز۔‘

اس کے بعد انھوں نے مزید لکھا کہ ’میں مشہور ہونا چاہتی تھی مگر ڈیمی لویٹو کی طرح نہ کہ اسامہ بن لادن کی طرح۔‘

لڑکی کو ولندیزی شہر روٹرڈیم کی پولیس نے گرفتار کرنے کے بعد میں رہا کر دیا تھا اور ان کے اکاؤنٹ کو ڈیلیٹ کر دیا گیا۔

اوباما کے ساتھ سیلفی مشیل کے ساتھ نہیں؟

آج کل سیلفی لینے کا رواج بہت ہو گیا ہے ہاں جی وہی تصویر جو آپ خود کی اپنے سمارٹ فون کے لینس کو گھما کر لیتے ہیں۔

مگر اس کا مطب اپنے عام کیمرے کو الٹانا نہیں جس کی کوشش کرتے ہوئے یہ بزرگ خاتون انٹرنیٹ پر امر ہو گئیں آپ نے تو کہیں کبھی ایسی کوشش نہیں کی؟

آپ نے دیکھا ہو گا کہ آپ کا موبائل خاص طور پر سمارٹ فون آپ سے زیادہ ہوشیار ہوتا جا رہا ہے آپ کچھ لکھتے ہیں اور وہ تابعدار منشی کی طرح آپ کو مشورے دیتا ہے حضور یہ لفظ۔۔۔ نہیں یہ لفظ۔۔۔ ڈیلیٹ۔۔۔۔ ہاں یہ والا لفظ۔۔۔۔جسے تکنیکی زبان میں آٹو کریکٹ کہتے ہیں یا خود بخود درستگی۔

بہت بار ایسا ہوتا ہے بلکہ ہو چکا ہے کہ آپ انگریزی میں لکھنا اسامہ چاہتے اور لکھا اوباما جاتا ہے جس کی وجہ یہ ہے کہ اسامہ انگریزی کا لفظ نہیں اس لیے اکثر موبائل فونز کی ڈکشنری میں یہ لفظ نہیں ہوتا اور اس کا خمیازہ دوسرے کو بھگتنا پڑتا ہے یا پھر ملالہ انگریزی ڈکشنری کے لیے نیا لفظ ہے تو ملیریا پہلے سے ہے۔