آسکرز 2026، پریانکا چوپڑا اور ’آزاد فلسطین‘ کا نعرہ: فلم ایوارڈز کی سب سے بڑی تقریب میں کیا کیا ہوا؟
،تصویر کا ذریعہGetty Images
ہالی وڈ فلم ’ون بیٹل آفٹر اینیدر‘ نے بہترین فلم سمیت چھ آسکرز اپنے نام کر لیے ہیں۔ اتوار کو امریکی شہر لاس اینجلس کے ڈولبی تھیٹر میں ہونے والے آسکرز کی تقریب میں اس فلم نے 13 نامزدگیاں حاصل کیں جس میں بہترین فلم، کاسٹ، معاون اداکار اور بہترین سکرین پلے کا ایوارڈ بھی اپنے نام کیا۔
ریکارڈ 16 نامزدگیاں حاصل کرنے والی ہارر تھرلر فلم ’سنرز‘ بھی بہترین فلم کا ایوارڈ حاصل کرنے کی دوڑ میں شامل تھی۔
لیکن اس تقریب کے دوران ہسپانوی اداکار کی جانب سے فلسطین کے حق میں لگایا جانے والا نعرہ توجہ کا مرکز بنا۔
دیکھے اس تقریب میں کیا ہوا؟
بہترین اداکار
،تصویر کا ذریعہDisney via Getty Images
’سنرز‘ کے اداکار مائیکل بی جارڈن کو بہترین اداکار کا آسکرز ملا۔
بہترین اداکارہ
،تصویر کا ذریعہThe Academy via Getty Images
فلم ’ہیملٹ‘ میں ولیم شیکسپیئر کی بیوی ایگنس کا کردار ادا کرنے والی آئرش اداکارہ بہترین اداکارہ کا آسکرز حاصل کرنے میں کامیاب رہیں۔
بہترین معاون اداکارہ
،تصویر کا ذریعہGetty Images
’وپینز‘ میں اپنی اداکاری کے جوہر دکھانے والی اداکارہ ایمی میڈیگن بہترین معاون اداکارہ کا آسکرز اپنے نام کرنے میں کامیاب ہو گئی ہیں۔
’ون بیٹل آفٹر اینیدر‘ کے اداکارشان پین کو بہترین معاون اداکار جبکہ بہترین سکرین پلے کا اسکرز بھی اسی فلم کے نام رہا۔
End of سب سے زیادہ پڑھی جانے والی
بہترین اینیمیٹڈ فلم کا آسکرز KPop Demon Hunters کو ملا جبکہ بہترین اینیمیٹڈ شارٹ فلم کا آسکرز The Girl Who Cried Pearls کے نام رہا۔
بہترین ملبوسات ڈیزائن کرنے کا آسکرز فلم ’فرینکنسٹائن‘ کے لیے کیٹ ہولی کو ملا۔
،تصویر کا ذریعہAFP via Getty Images
امریکی ٹی وی میزبان اور کامیڈین کونن اوبرائن نے اس سال آسکرز کی میزبانی کی، انھیں 2025 میں شاندار کارکردگی کی وجہ سے دوبارہ یہ ذمے داری سونپی گئی۔
کچھ فنکار جو اس سال کی بڑی فلموں میں نظر آئے لیکن انفرادی طور پر نامزد نہیں ہوئے انھیں بھی ایوارڈز پیش کرنے کے لیے مدعو کیا گیا ہے۔
ان میں نکول کڈمین، پریانکا چوپڑا جو نس، رابرٹ ڈاؤنی جونیئر، این ہیتھ وے اور کرس ایونز بھی مختلف کیٹیگریز میں ایوارڈ پیش کرنے والوں میں شامل تھے۔
،تصویر کا ذریعہAFP via Getty Images
اس سال کے آسکرز کا انعقاد ایک ایسے وقت میں کیا جا رہا ہے جب امریکہ اور اسرائیل ایران کے ساتھ جنگ میں ہیں اور ان کشیدگی کے اثرات لاس اینجلس میں منعقدہ تقریب کے ماحول میں واضح طور پر نظر آئے۔
آسکرز کی تاریخ میں نامزد ہونے والی پہلی ایرانی دستاویزی فلم ’کریکنگ دی راکس‘ کے ڈائریکٹر سارہ خاکی اور محمد رضا عینی نے تقریب سے چند منٹ قبل آسکرز ریڈ کارپٹ پر بی بی سی فارسی کو بتایا کہ ’ایرانی عوام اس تمام دکھ اور تکلیف کے مستحق نہیں ہیں۔ ہم یہ نامزدگی اپنے ہم وطنوں کے نام کرتے ہیں۔‘
بہترین سکرین پلے
،تصویر کا ذریعہAFP via Getty Images
امریکی فلم ساز پال تھامس اینڈرسن نے ’ون بیٹل آفٹر اینیدر‘ کے لیے بہترین ایڈاپٹڈ سکرین پلے کا آسکرز جیتا۔ یہ ان کا پہلا اکیڈمی ایوارڈ ہے، اس سے قبل وہ 14 بار نامزد کیا جا چکے ہیں۔
بہترین اوریجنل اسکرین پلے
،تصویر کا ذریعہAFP via Getty Images
امریکی فلم ڈائریکٹر اور پروڈیوسر ریان کوگلر اپنی فلم 'سنرز' کے لیے بہترین اوریجنل اسکرین پلے کے لیے آسکرز کے حقدار قرار دیے گئے۔
بہترین اینیمیٹڈ فیچر فلم
،تصویر کا ذریعہAFP via Getty Images
امریکی ہدایت کار کرس ایپل ہینس، جنوبی کوریائی-کینیڈین سکرین رائٹر میگی کانگ اور پروڈیوسر مشیل وونگ نے 'K-Pop Warriors' کے لیے بہترین اینیمیٹڈ فیچر فلم کا آسکرز جیتا۔
،تصویر کا ذریعہGetty Images
تقریب کے دوران ہال اُس وقت تالیوں سے گونج اُٹھا جب ہسپانوی اداکار ہاویئر بارڈیم نے ’فری فلسطین اور نو وار‘ کی بات کی۔ اس دوران انڈین اداکارہ پریانکا چوپڑا بھی ان کے ہمراہ موجود تھیں۔
،تصویر کا ذریعہAFP via Getty Images
،تصویر کا ذریعہAFP via Getty Images
اس سال کے آسکرز کچھ حوالوں سے معمول سے زیادہ غیر متوقع تھے، مثال کے طور پر بہترین اداکار اور بہترین معاون اداکارہ کے ایوارڈز نے لوگوں کو حیران بھی کیا۔
بہت سے افراد کا خیال تھا کہ ’ون بیٹل آفٹر اینیدر‘ اور ’سنرز‘ کو زیادہ ایوارڈز ملیں گے اور ایسا ہی ہوا۔
جیسی ہکلے بھی ایوارڈ جیتنے کے لیے فیورٹ قرار دی جا رہی تھیں اور ایسا ہی ہوا۔
