گرین لینڈ میں سونامی سے مکانات بہہ گئے: تصاویر

گرین لینڈ کے مغربی ساحل پر اتوار کو آنے والے زلزلے کی شدت توچار تھی تاہم اس کے نتیجے میں اٹھنے والی سمندری لہر کئی مکانات کو بہا لے گئی۔ اس واقعے میں کئی افراد کے لاپتہ ہونے کی اطلاعات ہیں۔

سرچ اور رسیکیو مشن کی ذمہ دار جوائنٹ آرکٹک کمانڈ نے اس سونامی سے ہونے والے نقصان کی تصاویر شائع کی ہیں۔ کمانڈ نے بی بی سی کو بتایا کہ صورتحال پر نظر رکھی جا رہی ہے اور تنبیہ کی ہے کہ اس قسم کے مزید واقعات ہو سکتے ہیں۔

شمال مغربی گرین لینڈ میں زلزلے کے نتیجے میں آنے والی سونامی کے باعث مکانات ڈوب گئے اور بہہ گئے۔

چار افراد کے لاپتہ افراد ہونے کی اطلاع پر تلاش کا کام شروع کیا گیا۔

اس علاقے سے 39 افراد کو منتقل کیا گیا جبکہ متعدد افراد زخمی بھی ہوئے ہیں۔

ایک اندازے کے مطابق چھوٹے سے گاؤں میں 11 مکانات بہہ گئے۔

حکام کا کہنا ہے کہ یہ سونامی چار شدت کے زلزلے کے باعث آئی اور اس علاقے میں ایسا بہت کم ہوتا ہے۔

پولیس کے سربراہ کا کہنا ہے کہ وہ کسی جانی نقصان کی تصدیق نہیں کر سکتے۔

محکمہ موسمیات کا کہنا ہے کہ گرین لینڈ میں زلزلہ آنا غیر معمولی ہے اور تنبیہ کی کہ آفٹر شاکس آ سکتے ہیں۔

۔