امریکی ساحل سمندر سے تیل نکالنے پر پابندی ہے

حزب اختلاف کی جماعت ڈیموکریٹ پارٹی کی طرف سے تیار کیئے گئے اس مفصل انرجی پیکج کے تحت امریکی ساحل سےاسی کلو میٹر اور ایک سو ساٹھ کلو میٹر کے فاصلے کے درمیان تیل کی تلاش کے لیے کھدائی کی اجازت دی گئی ہے۔ ڈیموکریٹ ماضی میں امریکی ساحل پر تیل کی تلاش میں کھدائی کے مخالف رہے ہیں۔

سرکاری اندازوں کے مطابق نوئے فیصد تیل کے ذخائر امریکی ساحل سے اسی کلو میٹر اندر موجود ہیں اور اس نئے قانون کے تحت تیل نکالنے کی کوششوں سے محفوظ رہیں گے۔

ریپبلکن پارٹی نے اس قانون کو ایک سیاسی بہانہ قرار دیا تاکہ ڈیموکریٹ ایک ایسے موقعہ پرجب تیل کی قیمتیں بہت زیادہ ہیں تیل کی تلاش کے کام کے حامی ہونے کا تاثر دے سکیں۔

ان کے خیال میں اس سے تیل کی پیداوار میں کوئی خطر خواہ اضافہ نہیں ہوگا۔