ایک اندازے کے مطابق اس دیوار کی لمبائی پانچ ہزار کلومیٹر ہے

چینی خبر رساں ادارے ژن ہوا کے مطابق مئی میں شروع ہونے والا یہ سروے چار سال تک جاری رہے گا اور اس میں دیوار کی پیمائش کے علاوہ اس کا صحیح راستہ بھی متعین کیا جائےگا۔

اس کے علاوہ سروے کے دوران ان فصیلوں کا بھی جائزہ لیا جائے گا جو چینی سلطنت کی شمالی سرحد کی حفاظت کے لیے تعمیر کی گئی تھیں۔

دیوارِ چین دنیا میں انسانی ہاتھوں سے ہونے والا سب سے بڑا تعمیراتی کام ہے اور ایک اندازے کے مطابق اس کی لمبائی پانچ ہزار کلومیٹر ہے۔

دیوار کے سروے کا کام ثقافتی ورثے کی سرکاری اتھارٹی محکمۂ سروے کے ساتھ مل کر کرے گی اور اس میں تیرہ صوبوں، خطوں اور میونسپلٹیز کے حکام حصہ لیں گے۔

دیوارِ چین کو سنہ 1987 میں یونیسکو کے عالمی ورثے کی فہرست میں شامل کیا گیا تھا۔