 | | | پولیس نے قاتل کو روکنے کی کوشش کی لیکن اس نے خود کو بھی ہلاک کر دیا |
امریکہ کی ریاست واشنگٹن کے شہر سی ایٹل میں ایک شخص نے ایک پارٹی میں شریک چھ افراد کو گولیاں مار کر ہلاک کر دیا اور اس کے بعد اپنی جان بھی لے لی۔ پولیس نے بتایا ہے کہ مرنے والے تمام کے تمام نو عمر تھے۔ دو افراد زخمی بھی ہوئے ہیں اور انہیں ہسپتال داخل کر لیا گیا ہے۔ یہ واقعہ ایک رہائشی علاقے میں پیش آیا اور سی ایٹل پولیس کے سربراہ گل کرلی کاؤسکی کا کہنا ہے کہ یہ اپنی نوعیت کا پہلا ایسا واقعہ ہے کیوکہ ماضی میں اس طرح کبھی بھی لوگوں کو گولیاں مار ہلاک نہیں کیا گیا۔ پولیس کے سربراہ نے بتایا کہ جس مقام پر گولیاں چلیں، اس سے کچھ فاصلے پر ایک پولیس افسر موجود تھا جو آوازیں سن کر وہاں پہنچا۔ اس نے گولیاں چلانے والے سے بار بار کہا کہ وہ اپنی بندوق پھینک دے لیکن پولیس افسر کی بات ماننے کی بجائے قاتل نے اپنے آپ کو بھی گولی مار کر ہلاک کر دیا۔ پولیس نے بتایا ہے کہ جہاں گولیاں چلائی گئیں وہ ایک گھر میں موجود تقریباً پندرہ افراد نے گولیاں چلتی سنیں اور واقعہ کو دیکھا۔ قاتل خود ایک پارٹی میں شریک بتایا جاتا ہے جہاں سے وہ چلا گیا تھا لیکن واپس آنے کے بعد اس نے وہاں موجود لوگوں پر فائرنگ شروع کر دی۔ | 
امریکی سکول میں 10 ہلاک
