اسرائیلی افسران کے مطابق ٹیکس اور کسٹم ڈیوٹی کا معاملہ زیر غور ہے۔

وزیراعظم کے دفتر کے افسران نے بی بی سی کو بتایا کہ ٹیکس اور کسٹم ڈیوٹی کا معاملہ زیر غور ہے لیکن اس بات کے امکانات کم ہیں کہ رقم کی اگلی قسط فلسطینی انتظامیہ کو دی جائے گی۔ طےشدہ فارمولے کے تحت مذکورہ قسط بدھ کو فلسطینی انتظامیہ کے سپرد کی جانی چاہیے۔

واضح رہے کہ اسرائیل حماس کو ایک دہشگرد تنظیم کہتا ہے اور اس کے ساتھ بات چیت کے لیے تیار نہیں ہے۔

دوسری طرف گزشتہ ہفتے کے فلسطینی انتخابات میں ناکام ہونے والی جماعت الفتح کے حامیوں کی طرف سے غزہ میں احتجاج کا سلسلہ جاری ہے۔