گزشتہ سال امریکی فوج نے فلوجہ میں مزاحمت کاروں کے خلاف ایک بڑا آپریشن کیا تھا

فلوجہ میں گزشتہ سال امریکی فوج نے مزاحمت کاروں کے خلاف ایک بڑا آپریشن کیا تھا۔ امریکی فوج نے بتایا کہ جمعرات کو سیکنڈ مرین ڈویژن کے فوجی پیدل گشت کررہے تھے جب سڑک پر نصب ایک دیسی ساختہ بم پھٹ پڑا۔

اگست کے بعد سے عراق میں تعینات امریکی فوجیوں پر ہونے والا یہ سب سے بڑا حملہ ہے۔ امریکی فوج کے ایک بیان میں کہا گیا ہے کہ ’گشتی پارٹی پر ایک دیسی ساختہ بم سے حملہ کیا گیا۔‘

بتایا گیا ہے کہ زخمی ہونے والے فوجیوں میں سے سات ڈیوٹی پر واپس آگئے ہیں۔ امریکی فوج نے کہا ہے کہ فلوجہ اور اس کے اطراف میں مزاحمت کاروں کے خلاف آپریشن جاری ہے۔

نامہ نگاروں کا کہنا ہے کہ عراقی حکام اس حملے کو پندرہ دسمبر کے پارلیمانی انتخابات سے قبل مزاحمت کاروں کے حملے میں اضافے کا پیش خیمہ سمجھتے ہیں۔

اسی دوران امریکی اور عراقی افواج نے فلوجہ کے قریبی شہر رمادی میں بھی مزاحمت کاروں کے خلاف آپریشن جاری رکھا ہے۔ گزشتہ روز رمادی میں مزاحمت کاروں نے سڑکوں پر چیک پوائنٹ قائم کیے ہوئے تھے۔