سعودی عرب کی وزارت داخلہ نے ایک بیان میں کہا کہ گزشتہ روز الخبر میں ہونے والے حملوں میں کئی غیر ملکیوں سمیت بائیس افراد ہلاک ہوئے۔

تاہم ابھی یہ واضح نہیں کہ آیا سعودی وزارت داخلہ کی طرف سے جاری ہونے والے بیان میں حملہ آوروں کے خلاف کمانڈو آپریشن کے دوران ہلاک ہونے والے کوئی افراد بھی شامل ہیں۔

ہلاک ہونے والے افراد کا تعلق مختلف ممالک سے بتایا جاتا ہے جس میں سب سے زیادہ تعداد بھارتی شہریوں کی ہے۔ ایک اطلاع کے مطابق آٹھ بھارتی ہلاک ہوئے ہیں جبکہ بھارتی سفارت خانے کے عملے نے اپنے صرف پانچ شہریوں کی ہلاکت کی تصدیق کی ہے۔

گزشتہ روز الخبر میں شدت پسندوں کے

ہلاک ہونے والوں کی قومیتیں بھارت: آٹھ امریکہ: ایک برطانیہ:ایک جنوبی افریقہ: ایک سویڈن:ایک سری لنکا: دو سعودی عرب: تین فلیپاین:تین مصر:ایک

حکام نے بتایا کہ یرغمالیوں کی رہائی کے لئے کی گئی کارروائی کے دوران تین حملے آور فرار ہونے میں کامیاب ہو گئے۔

سعودی کمانڈوز کی کارروائی کی تفصیلات واضح نہیں لیکن لندن میں سعودی عرب کے سفیر کے مشیر نے بتایا تھا کہ کمانڈوز نے نو یرغمالیوں کی ہلاکت کے بعد کارروائی شروع کی تھی۔

’گردنیں کاٹی گئیں‘  نو یرغمالیوں نے فرار ہونے کی کوشش کی تو ان کی گردنیں کاٹ دی گئیں رہائی پانے والے

القاعدہ کی طرف سے استعمال ہونے والی ایک ویب سائٹ نے ایک بیان جاری کیا ہے کہ جس میں کچھ ’مغربی افراد‘ کی ہلاکت کا اعتراف کیا گیا ہے اور سعودی جزیرہ نما کو ’کفار‘ سے آزاد کرانے کا اعادہ کیا گیا ہے۔

بی بی سی کے ایک نامہ نگار کا کہنا ہے کہ عالمی منڈی میں تیل کی قیمت پہلے ہی چالیس ڈالر فی بیرل ہے اور ایسے موقع پر تیل کی پیداوار کے لئے اہم سعودی شہر الخبر پر تشدد پسند کارروائی دنیا بھر کی معیشت کے لئے کوئی اچھی خبر نہیں ہے۔

نامہ نگار کے مطابق تیل کی صنعت سے منسلک کارکنوں کو خوفزدہ کر کے شدت پسند سعودی شاہی خاندان کو نقصان پہنچا رہے ہیں۔