افغانستان میں دو سال قبل طالبان کی حکومت کے خاتمے کے بعد پہلی سزائے موت دی گئی ہے۔ منگل کے روز خبر سامنے آئی کہ ایک سابق فوجی کمانڈر عبداللہ صالح کو گزشتہ ہفتے کابل کے باہر ایک جیل میں ایک قتل کی پاداش میں سزائے موت دی گئی تھی۔  | خدشہ  ’سزائے موت طاقتور سیاسی گروہوں کی طرف سے انسانی حقوق کی خلاف ورزیوں کے ایک اہم گواہ کو ختم کرنے کی کوشش ہو سکتی ہے  ایمنسٹی انٹرنیشنل |
خبر رساں ایجنسی اے پی نے ملک کے اٹارنی جنرل کے دفتر کے حوالے سے بتایا کہ عبداللہ صالح کو صدر حامد کرزئی کی منظوری کے بعد سر میں ایک گولی مار کر ہلاک کیا گیا۔ بین الاقوامی تنظیم ایمنسٹی انٹرنیشنل نے کہا ہے کہ عبداللہ صالح کے مقدمے میں انصاف کے بنیادی تقاضے پورے نہیں کئے گئے۔ ایمنسٹی انٹرنیشنل نے خدشے کا اظہار کیا ہے کہ ’سزائے موت طاقتور سیاسی گروہوں کی طرف سے انسانی حقوق کی خلاف ورزیوں کے ایک اہم گواہ کو ختم کرنے کی کوشش ہو سکتی ہے‘۔ | 
یہ صفحہ دوست کو ای میل کیجیئے
پرِنٹ کریں
