نجف میں امریکی فوج کی مظاہرین پر فائرنگ

امریکی فوج کے مطابق بغداد کے مغرب میں پیش آنے والے علیحدہ واقعات میں دو امریکی میرین فوجی بھی ہلاک ہوئے ہیں۔

شیعہ رہنما مقتدیٰ صدر کے حامیوں نے حالیہ دنوں میں امریکی قبضے کے خلاف متعدد مظاہرے کئے ہیں اور اس سلسلے کا تازہ مظاہرہ بغداد میں جاری ہے۔

بتایا گیا ہے کہ مظاہرین نے، جو کالے لباس میں ملبوس ہیں‘ امریکہ اور اسرائیل کے خلاف نعرے بلند کرتے ہوئے امریکی انتظامیہ کے صدر دفاتر کی ایک گیٹ کی ناکہ بندی کر دی۔

امریکی انتظامیہ کی طرف سے مقتدیٰ صدر کے روزنامہ کی اشاعت روکنے کی بعد گزشتہ چند ہفتوں کے دوران کیا گیا یہ تازہ ترین احتجاجی مظاہرہ ہے۔ امریکہ نے الزام لگایا تھا کہ روزنامہ پرتشدد کارروائیوں کو ہوا دے رہا ہے۔

مظاہرین کا الزام ہے امریکی فوج نے مقتدیٰ صدر کے ایک سینیئر مشیر مصطفیٰ الیعقوبی کو نجف میں پکڑ رکھا ہے۔