یہ صفحہ دوست کو ای میل کیجیئے		پرِنٹ کریں

صدام حسین بھی لاتعلقی کا اظہار کر چکے ہیں

العربیہ ٹی وی سے نشر ہونے والے ٹیپ پر ریکارڈ اس پیغام میں جو عبد الرحمان النجدی نامی ایک شخص کی آواز میں تھا کہا گیا کہ نجف میں ہونے والے بم دھماکے سے القاعدہ تنظیم کا کوئی تعلق نہیں۔

نجف میں حضرت علی کے روزہ مقدس کے قریب جمعہ کی نماز کے بعد ہونے والے اس بم دھماکے میں عراق کے معتدل اور انتہائی معتبر شیعہ رہنما آیت اللہ باقر الحکیم کے علاوہ سو سے زیادہ افراد ہلاک ہو گئے تھے۔

اس پیغام میں القاعدہ کی طرف سے امریکہ میں مزید حملے کرنے کی دھمکی بھی دی گئی۔

مشرق وسطی کے ذرائع ابلاغ القاعدہ اور عراق کے سابق صدر صدام حسین کے پیغامات نشر کرتے رہتے ہیں۔

عراق کے سابق صدر صدام حسین بھی نجف میں کئے گئے اس حملے سے لا تعلقی کا اظہار کر چکے ہیں۔ کچھ دن قبل ان کا بھی ایک اسی طرح کا پیغام مشرق وسطی کے ایک ٹی وی سے نشر ہوا تھا۔