 |  پولیس اہلکار منگل کے روز اس جگہ کھڑے ہیں جہاں سے مواد پکڑا گیا۔ |
برطانوی پولیس کا کہنا ہے کہ اس نے دہشت گردی کے خلاف جاری مہم میں ایک اور شخص کو گرفتار کر لیا ہے۔ منگل کے روز پولیس نے جنوب مشرقی برطانیہ میں چوبیس مختلف مقامات پر چھاپے مار آٹھ مشتبہ افراد کو حراست میں لے لیا تھا۔ یہ چھاپے اکسبرج، الفورڈ، کولنڈیل، مغربی سسیکس، سلاؤ اور ریڈنگ میں مارے گئے تھے۔ ان چھاپوں کے دوران مغربی لندن کے ایک گودام سے نصف ٹن سے زائد امونیئم نائٹریٹ بھی برآمد کی گئی ہے۔پولیس کے مطابق یہ مواد ہے بم دھماکوں کے لئے استعمال کیا جا سکتا ھے۔ پولیس کا کہنا ہے کہ نواں شخص لندن کے جنوب میں واقع گیٹ وک ہوائی اڈہ کے قریب واقع قصبہ ’کراؤلی‘ سے گرفتار کیا گیا ہے۔ منگل کے روز پکڑے جانیوالے آٹھ میں سے چار کا تعلق اسی علاقہ سے ہے۔ سکاٹ لینڈ یارڈ کی انسداد دہشت گردی برانچ کے سربراہ کے مطابق یہ کارروائی سن دو ہزار میں دہشت گردی پر قابو پانے کےلئے وضع کئے گئے قانون کے تحت کی گئی ہے۔ سکاٹ لینڈ یارڈ کی انسداد دہشت گردی برانچ کے سربراہ کا کہناتھا کہ تمام علاقوں کی چھان بین ا بھی جاری ہے۔ | 
یہ صفحہ دوست کو ای میل کیجیئے
پرِنٹ کریں
