ملا اختر منصور کی ہلاکت کا کوئی ثبوت نہیں ہے: اشرف غنی
،تصویر کا ذریعہ
افغانستان کے صدر اشرف غنی نے کہا ہے کہ افغان طالبان رہنما ملا اختر منصور کی ہلاکت کے بارے میں ’کوئی ثبوت نہیں‘ ہے۔
افغان صدر طالبان کے جانب سے امیر ملا اختر منصور سے منسوب ایک صوتی بیان جاری کیے جانے کے بعد گفتگو کر رہے تھے۔
<link type="page"><caption> افغان طالبان کا ’ملا اختر منصور سے منسوب بیان‘ جاری</caption><url href="http://www.bbc.com/urdu/regional/2015/12/151206_mullah_mansour_audio_message_zz.shtml" platform="highweb"/></link>
<link type="page"><caption> افغان طالبان کے سربراہ ملا منصور فائرنگ سے ’زخمی‘</caption><url href="http://www.bbc.com/urdu/pakistan/2015/12/151202_mullah_akhtar_gunfight_zz.shtml" platform="highweb"/></link>
<link type="page"><caption> افغان طالبان میں قیادت پر اختلافات، نیا دھڑا تشکیل</caption><url href="http://www.bbc.com/urdu/regional/2015/11/151104_afghan_taliban_split_zs.shtml" platform="highweb"/></link>
پیر کو افغان صدر اشرف غنی نے پریس کانفرنس کرتے ہوئے کہا: ’منصور کی ہلاکت کے بارے میں کوئی ثبوت موجود نہیں ہے۔‘
ان کا کہنا تھا کہ ’اس واقعے کا احتیاط کے ساتھ جائزہ لینے کی ضرورت ہے۔‘
وہ گذشتہ منگل کو کوئٹہ کے قریب ایک جھڑپ کا حوالہ دے رہے تھے۔
End of سب سے زیادہ پڑھی جانے والی
بعض اطلاعات کے مطابق ملا منصور شدید زخمی ہیں جبکہ کچھ اطلاعات کے مطابق وہ چار طالبان عسکریت پسندوں کے ہمراہ ہلاک ہوگئے ہیں۔
،تصویر کا ذریعہARG
تاہم سنیچر کو افغانستان میں طالبان نے اپنے امیر ملا اختر منصور سے منسوب ایک صوتی بیان جاری کیا گیا جس میں انھوں نے اپنے زخمی یا ہلاک ہونے ہو جانے کی اطلاعات کو دشمن کا پرچار قرار دیا۔
پیغام میں’ملا منصور اختر‘ نے کہا کہ وہ زندہ سلامت ہیں اور اپنے دوستوں کے درمیان ہیں اور وہ کبھی بلوچستان کے علاقے کچلاک نہیں گئے۔
خیال رہے کہ جولائی میں افغان طالبان کے امیر ملا عمر کی ہلاکت کے اعلان کے بعد سے شدت پسند گروپ کی قیادت کا معاملہ اختلافات کا شکار رہا ہے۔
ملا عمر کی جگہ ملا اختر منصور کو طالبان کا نیا امیر مقرر کیا گیا تھا۔ لیکن ابتدا میں ملا عمر کے بعض حامیوں کی جانب سے اس فیصلے کی مخالفت کی گئی تھی۔
تاہم رواں برس ستمبر میں افغان طالبان کا دعویٰ سامنے آیا کہ وہ تمام اختلافات کو بالائے طاق رکھتے ہوئے اپنے نئے رہنما ملا اختر محمد منصور کی سربراہی میں متحد ہیں۔
