’مودی کا سوٹ نرگسیت کی انتہا‘

بھارتی وزیراعظم نریندر مودی نے ملک کے دورے پر آئے امریکی صدر براک اوباما سے ملنے کے لیے ایک خصوصی سوٹ پہنا جس پر ان کے نام کی دھاریاں پڑی ہوئی تھیں۔

دور سے دیکھنے پر نریندر مودی کا سوٹ ایک عام نیلے رنگ کا دھاری دار سوٹ لگ رہا تھا۔

مگر سوشل میڈیا پر صارفین کی جانب سے باریک بینی سے لیے گئے جائزے کے بعد پتا چلا کہ اِن دھاریوں میں وزیراعظم کا نام انگریزی میں لکھا ہوا ہے۔

انڈیا ٹو ڈے کی ویب سائٹ کے مطابق نریندر مودی کی تصویر صدر اوباما سے ملتے ہوئے لی گئی جو کہ بھارت کے تین روزہ دورے پر ہیں۔

اس طرز کا سوٹ پہننے والے وہ پہلے رہنما نہیں ہیں بلکہ اس سے قبل سابق مصری صدر حسنی مبارک کو مارچ 2011 میں اسی طرح کا سوٹ پہنے ہوئے دیکھا گیا تھا۔

ٹوئٹر پر بہت سے لوگ مودی کے اس سوٹ پر بہت خوش ہیں اور انہیں خوش لباس قرار دے رہے ہیں۔

<link type="page"><caption> ایک صاحب نے اسے ’خود پسندی کی انتہا‘</caption><url href="https://twitter.com/VargheseLiberal/status/559609097280950273" platform="highweb"/></link> قرار دیا جبکہ <link type="page"><caption> ایک اور نے اسے ’نرگسیت کی انتہا‘</caption><url href="https://twitter.com/ayush_1901/status/559624790751715329" platform="highweb"/></link> قرار دیا ہے۔

یہ ساری باتیں ایک جانب مگر صدر اوباما نے نریندر مودی کو جام ٹوسٹ کرتے ہوئے ’سٹائل آئکن‘ قرار دیا۔