آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
راہول گاندھی گانگریس کی صدارت سے کیوں ہچکچا رہے ہیں؟
انڈین نیشنل کانگریس کو 2019 سے نئے صدر کی تلاش ہے۔
رواں برس ستمبر میں نئے صدر کے انتخاب کے لیے ادے پور جنتن شیویر میں تیاریاں جاری ہیں۔
نئے صدر کے انتخاب کے لیے ڈیڈ لائن سر پر آن پہنچی لیکن کانگریسیوں کی تلاش ختم ہوتی دکھائی نہیں دے رہی ہے۔
راجستھان کے وزیر اعلیٰ اور کانگریس کے سینئر لیڈر اشوک گہلوت نے پیر کو جے پور میں کہا ’اگر راہول گاندھی پارٹی صدر نہیں بنتے ہیں تو ملک بھر کے کانگریس کارکنان مایوس ہوں گے۔ لاکھوں کارکنوں کے جذبات کو سمجھتے ہوئے راہول گاندھی کو صدر کا عہدہ قبول کرنا چاہیے۔‘
واضح ہے کہ کانگریس کے زیادہ تر لوگ راہول گاندھی کے نام پر اڑے ہوئے ہیں اور راہول گاندھی صدر کا عہدہ قبول کرنے کو تیار نہیں ہیں۔
یہ بھی پڑھیئے
End of سب سے زیادہ پڑھی جانے والی
ایسے میں سوال یہ پیدا ہوتا ہے کہ راہول گاندھی صدر کا عہدہ قبول کرنے سے کیوں ہچکچا رہے ہیں؟
کانگریس کی سیاست کو قریب سے کور کرنے والے سینئر صحافیوں کا ماننا ہے کہ راہول گاندھی کی ہچکچاہٹ کے پیچھے کئی وجوہات ہیں۔
2019 کی شکست
سینئر صحافی اورنگزیب نقشبندی، جنھوں نے برسوں تک کانگریس کو کور کیا۔، کہتے ہیں کہ راہول کی ہچکچاہٹ کے بارے میں جاننے کے لیے ہمیں تھوڑی ماضی اور تھوڑا سے حال پر نظر ڈالنے کی ضرورت ہے۔
2019 کے لوک سبھا انتخابات میں پارٹی کی شکست کی ذمہ داری لیتے ہوئے راہول گاندھی نے صدر کے عہدے سے استعفیٰ دے دیا۔ اس وقت انھوں نے چار صفحات پر میحط ایک خط ٹویٹ کیا تھا جس میں کچھ نکات اٹھائے گئے۔
اورنگزیب کا کہنا ہے کہ اس خط میں صدر کے عہدے سے استعفیٰ دینے کی وجوہات بھی بتائی گئی تھیں اور کچھ اہم امور بھی بتائے گئے تھے۔
مثال کے طور پر اس خط میں انھوں نے ایک جگہ لکھا تھا کہ اس عمل کے لیے لوک سبھا انتخابات کی شکست کے لیے پارٹی کی توسیع کو طے کرنے کی ضرورت ہے۔ بہت سے لوگ اس کے ذمہ دار ہیں۔ لیکن صدر کے عہدے پر رہتے ہوئے میں ذمہ داری نہ اٹھاؤں اور دوسروں کو ذمہ دار کہوں، یہ درست نہیں ہوگا۔
اورنگزیب کہتے ہیں ’یہ واضح تھا کہ ان کے استعفے کے بعد، وہ چاہتے تھے کہ کئی اور ذمہ دار لوگ بھی استعفیٰ دیں۔ لیکن ان کے علاوہ کانگریس کے کسی اور بڑے لیڈر نے استعفیٰ نہیں دیا۔‘
ٹیم کی حمایت نہیں
راہول گاندھی نے اس خط میں ایک جگہ لکھا تھا ’میں ذاتی طور پر اپنے پورے جذبے کے ساتھ براہ راست وزیر اعظم، آر ایس ایس اور ان تمام اداروں سے لڑا ہوں جن پر انھوں نے قبضہ کیا ہے۔‘
اورنگزیب کہتے ہیں ’راہول گاندھی نے جس طرح رافیل طیاروں کی خریداری کا مسئلہ جس انداز میں اٹھایا اور الیکشن میں ’چوکیدار چور ہے‘ کو ایشو بنایا، انھیں ان مسائل پر پارٹی کے سینیئر رہنماؤں کی وہ حمایت نہیں ملی۔‘
’ایسا لگتا ہے کہ یہ بات ابھی تک راہول گاندھی ذہن میں ہے۔ ایک ایسی پارٹی میں جہاں بڑے لیڈروں کو بھی اپنی ذمہ داری کا احساس نہیں ہے، شاید راہول گاندھی ایسے لیڈروں کی پارٹی کی قیادت نہیں کرنا چاہتے۔ اسی لیے ہچکچاہٹ۔‘
