سائیکل پر 30 دن میں 500 سو کلومیٹر سفر لیکن غلط سمت میں
،تصویر کا ذریعہReuters
چین میں ایک شخص سائیکل پر اپنے گھر کے لیے روانہ ہوا لیکن 30 دن میں پانچ سو کلومیٹر کا سفر طے کرنے پر معلوم ہوا کہ وہ غلط سمت میں سفر کر رہا ہے۔
اس شخص نے نئے چینی سال کے موقع پر سائیکل کے ذریعے اپنے آبائی گھر جانے کا فیصلہ کیا تھا تاکہ پیسے بچائے جا سکیں۔
یہ شخص دسمبر میں چیچیہار شہر سے 17 سو کلومیٹر کے فاصلے پر واقع ریژاو کے لیے روانہ ہوا تھا۔
لیکن جب اس نے 30 دن میں پانچ سو کلومیٹر کا فاصلہ طے کیا تو اسے وسطیٰ صوبہ انہوئی میں ایک ہائی وے پر پولیس اہلکاروں نے روکا تو اس وقت انکشاف ہوا کہ وہ غلط سمیت میں سفر کر رہا ہے۔
اس پر پولیس نے اس گھر جانے کے لیے ٹرین کا ٹکٹ خرید کر دیا۔
اخبار پیپلز آن لائن ڈیلی کے مطابق اس شخص کے پاس پیسے کم تھے اور سفر کے دوران انٹرنیٹ کیفیز میں رات بسر کرتا تھا۔
اس شخص کا نام ظاہر نہیں کیا گیا اور اطلاعات کے مطابق وہ راستوں کے تعین کے لیے نصف سائن بورڈ نہیں پڑھ سکتا تھا۔
پولیس نے اسے اس وقت روکا جب وہ ایک ہائی وے پر سائیکل چلا رہا تھا جہاں سائیکل کا داخلہ ممنوعہ تھا۔
End of سب سے زیادہ پڑھی جانے والی
غلطی کا احساس ہونے پر پولیس اہلکاروں اور ٹال سٹیشن پر کام کرنے والے عملے نے رقم کا بندوبست کر کے اسے ٹرین کا ٹکٹ خرید کر دیا تاکہ اپنے گھر جا سکے۔
