آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انڈیا: کپڑے کے کارخانے میں آگ لگنے سے 13 افراد ہلاک
انڈیا کی ریاست اتر پردیش کے ضلع غازی آباد میں جمعے کی صبح کپڑے کے ایک کارخانے میں آگ لگنے سے 13 افراد ہلاک اور متعدد زخمی ہو گئے ہیں۔
اس حادثے کی تحقیقات کے احکامات جاری کر دیے گئے ہیں تاہم کہا جا رہا ہے کہ یہ آگ شارٹ سرکٹ کی وجہ سے لگی تھی۔
کارخانے میں جس وقت آگ لگی اس وقت اس کی پہلی منزل پر کم از کم 10 مزدور سو رہے تھے۔
آگ لگنے کے سبب مزدور باہر نکل نہیں سکے اور دم گھٹنے سے ان کی موت ہو گئی۔
غازی آباد کے پولیس افسر سلمان تاج نے بتایا کہ فیکٹری کے گراؤنڈ فلور پر آگ کی زد میں آ کر دیگر تین مزدور جل گئے تھے اور بعد میں وہ بھی ہلاک ہوگئے۔
پولیس کے مطابق انتظامیہ نے ان افراد کو نزدیکی ہسپتال لے جانے کا انتظام کیا لیکن وہاں کے ڈاکٹروں نے انھیں مردہ قراد دیا۔
End of سب سے زیادہ پڑھی جانے والی
فی الحال پولیس آگ لگنے کی وجوہات کی تفتیش کر رہی ہے۔
غازی آباد کے جس علاقے میں یہ کارخانہ واقع تھا وہ تنگ گلیوں والا علاقہ ہے۔
اس علاقے میں ٹیکسٹائل کے کئی چھوٹے چھوٹے کارخانے ہیں جہاں بڑی تعداد میں کام کرنے والے مزدور رہتے بھی ہیں۔
