’خدا کے لیئے‘ ڈائیریکٹر شعیب منصور کی پہلی فیچر فلم ہے۔

ڈائریکٹر شعیب منصور کی فلم ’خدا کے لئے‘ کی کہانی گیارہ ستمبر کے حملوں کے بعد مسلمانوں اور خاص طور پر پاکستانی مسلمانوں پر پڑ نے والے اثرات پر مبنی ہے۔

پاکستان اور انڈیا نے سن انیس سو پینسٹھ کی جنگ کے بعد سے ایک دوسرے ممالک کی فلموں پر پابندی عائد کردی تھی۔ لیکن پچھلے کچھ برسوں سے اس سلسلے میں نرمی ہونا شروع ہوئی ہے اور دو ہزار چھ میں پاکستان نے تین انڈین فلموں کی پاکستان میں نمائش کی اجازت دی تھی۔

فلم کے ڈائریکٹر شعیب منصور ، جن کی یہ پہلی فیچر فلم ہے، کا کہنا ہےکہ ’مسلمانوں کے ساتھ دہشت گردی کو جوڑنے کا سلسلہ بہت عرصے سے جاری ہے اور اب وقت آگیا ہے کہ مغرب کو یہ سمجھایا جائے کہ ایسا نہیں ہے۔ اسی لئے اس فلم کا زیادہ تر حصہ انگریزی زبان میں بنایا گیا ہے تاکہ مغربی فلم بین اسے سمجھ سکیں۔

اس فلم کی ممبئی میں پریمئیر کے موقع پر انڈین فلم ڈائیریکٹر مدھر بھنڈارکر نے کہا کہ یہ بہت اچھی فلم اور ایسی اور بھی فلمیں بننا چاہئیں۔