رفعت اللہ اورکزئی بی بی سی اردو ڈاٹ کام، پشاور

	ہسپتال میں دھماکے اتنا شدید تھا جس سے کئی وارڈوں کے شیشے ٹوٹ گئے

یہ دھماکہ جمعرات کی شام سات بجے کے قریب کارڈیالوجی بلاک کی پشت پر واقع جھاڑیوں میں ہوا جس سے قریبی وارڈوں کے شیشے ٹوٹ گئے جبکہ وہاں پر کھڑی دو ا یمبولینسوں اور ایک گاڑی کو بھی نقصان پہنچا۔

ہسپتال میں قائم ایمرجنسی پولیس سٹیشن کے ایک اہلکار نے بی بی سی کو بتایا کہ دھماکے میں معمولی زخمی ہونے والے تین افراد جن میں دو ہسپتال کے اہلکار بتائے جاتے ہیں کہ ابتدائی طبی امداد دینے کے بعد فارغ کردیا گیا۔

یہ کہنا ابھی مشکل ہے کہ آج کا یہ دھماکہ تخریبی کاروائی کا نتیجہ تھا یا یہ کوئی اتفاقی حادثہ تھا تاہم بم ڈسپوزل سکواڈ کے اہلکار تحقیقات کررہے ہیں اور ان کی رپورٹ آنے کے بعد حتمی طور پر کچھ کہا جاسکے گا۔ لیڈی ریڈنگ ہسپتال کے ڈپٹی میڈیکل سپرنٹینڈ نٹ ڈاکٹر مختار

پشارو شہر میں گزشتہ تین ہفتوں کے دوران یہ دوسرا دھماکہ ہے۔ اس سے پہلے ایک دھماکہ پشاور صدر میں واقع غربی سٹیشن کی حدود میں ہوا تھا جس میں دو درجن سے زائد گاڑیوں کو نقصان پہنچا تھا۔

لیڈی ریڈنگ ہسپتال کے ڈپٹی میڈیکل سپرنٹینڈ نٹ ڈاکٹر مختار نے بتایا کہ یہ کہنا ابھی مشکل ہے کہ آج کا یہ دھماکہ تخریبی کاروائی کا نتیجہ تھا یا یہ کوئی اتفاقی حادثہ تھا تاہم بم ڈسپوزل سکواڈ کے اہلکار تحقیقات کررہے ہیں اور ان کی رپورٹ آنے کے بعد حتمی طور پر کچھ کہا جاسکے گا۔

انہوں نے کہا کہ دھماکہ اتنا شدید تھا کہ اس سے کارڈیالوجی اور دیگر قریبی وارڈوں کے شیشے ٹوٹ گئے اورا اس کی آواز بھی دور دور تک سنی گئی۔

عینی شاہدوں کا کہنا ہے کہ دھماکے کے فوری بعد تمام وارڈوں سے لوگ نکل آئے اور افراتفری کے عالم میں ادھر ادھر بھاگتے رہے۔

واضع رہے کہ گزشتہ چند مہینوں کے دوران پشاور شہر میں امن وامان کی صورتحال انتہائی خراب رہی ہے جبکہ اغواء برائے تاوان ، قتل اور ڈکیتی کی وارداتوں میں بھی اضافہ ہوا ہے۔ تاہم صوبائی حکومت ان جرائم کو روکنے میں اب تک ناکام رہی ہے۔