ہارون رشید بی بی سی اردو ڈاٹ کام، پشاور

منصوبے کے مطابق طورخم کے مقام پر ملک کا پہلاباقاعدہ سرحدی کمپلیکس قائم ہوگا

دو سو باسٹھ کنال اراضی پر محیط اس کمپلیکس میں کسٹم اور امیگریشن کے دفاتر کے علاوہ دو طرفہ کسٹم اور امیگریشن ٹرمینل، پیدل چلنے والوں، گاڑیوں اور ٹرکوں کی جانچ پڑتال اور تلاشی کے دفاتر ہونگے۔

چیف انجینر فاٹا ورکس اینڈ سروسز عامر شہباز کے مطابق حکومت کو توقع ہے کہ اس جدید کمپلیکس کی تعمیر سے مسافروں اور کاروباری طبقے کو سہولتوں کی فراہمی کے علاوہ مقامی آبادی کو ملازمتیں مہیا ہونگی۔

منصوبے کے مشیر طارق حیات کا کہنا تھا کہ وزیر اعظم شوکت عزیز نے پہلے ہی اس منصوبے کی تعمیر کا کام نیشنل لاجسٹک سیل کے حوالے کر دیا ہے جس میں اسلامک انوسٹمنٹ بنک نے بھی دلچسپی کا اظہار کیا ہے۔

اطلاعات کے مطابق حکومت طورخم کمپلیکس کو موٹروے اور جی ٹی روڈ سے ملانے کا ارادہ بھی رکھتی ہے۔

پاکستان میں اگرچہ خیال ہے کہ سب سے زیادہ سمگلنگ کا کاروبار پاک افغان سرحد کے علاقے میں ہوتا آیا ہے لیکن آج کل یہاں قانونی تجارت بھی اربوں روپے کی ہو رہی ہے۔

لیکن اصل حیرت کی بات حکومت پاکستان کی جانب سے طورخم تا جلال آباد شاہراہ کی تعمیر کے وعدے کے باوجود اس میں غیرمعمولی تاخیر ہے۔ اس سڑک کی جلد تعمیر سے مقامی افغان اور اس پر سفر کرنے والوں کے شکوک و شبہات دور کرنے میں مدد ملے گی

سینکڑوں کی تعداد میں بڑے ٹرک اور ٹرالر تنگ سی پیچدار پرانی سڑکوں پر رواں دواں نظر آتے ہیں۔ سڑک کی کشادگی پر کام پہلے ہی جاری ہے۔

لیکن اصل حیرت کی بات حکومت پاکستان کی جانب سے طورخم تا جلال آباد شاہراہ کی تعمیر کے وعدے کے باوجود اس میں غیرمعمولی تاخیر ہے۔ اس سڑک کی جلد تعمیر سے مقامی افغان اور اس پر سفر کرنے والوں کے شکوک و شبہات دور کرنے میں مدد ملے گی۔

اقتصادی اعتبار سے انتہائی اہم طورخم کمپلیکس کی تعمیر کب تک مکمل ہوگی اس بارے میں بھی سرکاری اہلکار خاموش ہیں۔